जापान, ९ कात्तिक २०७६ । राष्ट्रिय लोक तथा दोहोरी गीत प्रतिष्ठान नेपाल जापान शाखाले नेपालीहरुको दोस्रो महान पर्व तिहारको अवसर पारेर जापानको दुई ठूला शहरमा बृहत देउसीभैलो कार्यक्रमको तयारी पुरा भएको जानकारी दिएको छ ।
नेपालीहरुको दोस्रो ठुलो महान चाड शुभ दीपावलीको अवसर पारेर कलाकार अक्षय कोष स्थापना गर्ने उद्देश्यले प्रतिष्ठानले गर्न लागेको हो । देउसी भैलो कार्यक्रमका लागि नेपालबाट प्रतिष्ठानका निवर्तमान अध्यक्ष तथा चर्चित गायक चन्द्र शर्मा बिशेष अतिथिको रुपमा जापान आई सक्नु भएको र कार्यक्रममा स्थानिय कलाकारहरुको, नेपाली पञ्चेबाजाको बिजोड प्रस्तुति रहने कार्यक्रम संयोजक तथा राष्ट्रिय लोक तथा दोहोरी गीत प्रतिष्ठान नेपाल जापान शाखाका प्रवक्ता केशब पौडेलले जानकारी दिनुभयो ।
प्रतिष्ठानको देउसी भैलो कार्यक्रम जापानको मुख्य दुई शहरमा यहि कात्तिक १० गते, आउँदो अक्टोबर २७ तारिख आइतबार साँझ ५ बजे देखी नाना हाउस इथिनिक रेष्टुरेण्ट एण्ड बार फुकुओका र २८ तारिख सोमबार ५ बजेदेखी अजिवाई टोकियो रेष्टुरेण्ट टोकियोमा गर्ने कार्यक्रमको सबै कार्यक्रमको तयारी पुराभएको जानकारी दिएको हो ।
देउसी भैलो कार्यक्रममा उपस्थित भएर भरपुर मनोरन्जन लिन सम्पूर्ण जापानवासी नेपाली समुदाय, विभिन्न संघ संस्थाहरु, पत्रकार सबैलाई प्रतिष्ठानका अध्यक्ष सुर्य खड्काले अनुरोध समेत गर्नु भएको छ ।








































