काठमाडौं, ६ कात्तिक २०७६ । नेपाली काँग्रेसका युवा नेता गगनकुमार थापाले सरकारको कामबाट उत्साही हुनुपर्ने अवस्था नरहेको बताउनु भएको छ ।
पूर्वमन्त्री समेत रहेका काँग्रेस नेता थापाले अर्थमन्त्री डा.युवराज खतिवडाका कारण प्रधानमन्त्री केपी शर्मा ओलीले आफ्नो कामलाई गति दिन नसकेको दावी समेत गर्नुभयो ।
आज बुधबार काठमाडौंमा आयोजित एक कार्यक्रममा बोल्ने क्रम उहाँले नेपालको इतिहासमै बलियो सरकार बनेपनि त्यसले बैज्ञानिक ढंगले काम गर्न नसकेको पनि बताए ।
काँग्रेस नेता थापाले अर्थमन्त्री खतिवडाले अर्थमन्त्रीको जस्तो नभई नेपाल राष्ट्र बैंकको गभर्नरको रुपमा प्रस्तुत भएकाले मुलुकको आर्थिक विकासको गति सहज ढंगले अघि बढन नसकेको बताउनु भयो ।








































