काठमाडौँ, ५ कात्तिक २०७६ । प्रमुख प्रतिपक्षी दल नेपाली कांग्रेसका सभापति शेरबहादुर देउवा र नेपाल कम्युनिष्ट पार्टी (नेकपा) का अध्यक्ष तथा प्रधानमन्त्री केपी शर्मा ओलीबीच टेलिफोनमा कुराकानी भएको छ ।
सभापति देउवाले मंगलबार बिहान प्रधानमन्त्री ओलीलाई टेलिफोन गर्दै मंगलबार बेलुकाका लागि बोलाइएको संवैधानिक परिषदको बैठक सार्न गर्न आग्रह गर्नु भएको छ ।
कांग्रेस प्रवक्ता विश्वप्रकाश शर्माले दुई नेताबीच मंगलबारको बैठक स्थगित गरी आ-आफ्नातर्फको तयारी गरेर फेरि अर्को दिन बस्ने सहमति भएको जानकारी दिनुभयो ।
सभापति देउवाले प्रधानमन्त्री ओलीलाई संवैधानिक परिषद बैठकका एजेण्डामा पनि सकेसम्म सत्ता र प्रतिपक्षको सहमति बनाउँदा राम्रो सन्देश जाने बताउनु भयो ।
परिषदको अर्को बैठक प्रधानमन्त्री विदेश भ्रमण सकाएर स्वदेश फर्किएपछि मात्रै बस्ने गरी बोलाउन सभापति देउवाले प्रधानमन्त्री ओलीलाई आग्रह गर्नु भएको छ ।








































