गोरखा, २०७६ साल असोज ९ गते बिहिबार । गोरखा जिल्ला पालुङटार नगरपालिकामा पहिलोपटक दुध डेरि संचालनमा ल्याइएको छ |
लकाङ्काली कृषि सहकारी सस्था लिमिटेड र पालुङटार नगरपालिकाको २४ लाख आर्थिक सहयोगमा पालुङटार नगरपालिका वडा न ४ मा दुध डेरि संचालनमा आएको छ ।
बि स २०६९ साल फागुन २२ गते दर्ता भएको उक्त सहकारी स्थानीय स्तरीयमा नै एउटा सुनौलो प्रयासको सुरुवात भएको छ ।

यहि असोज १ गतेदेखि दुध डेरी संचालनमा आएको “स्वास्थ र स्वादिलो” लिगलिग प्रशोधित गाई भैसीको दुध” सुरुवातमा ५० वटा गाई पालन गरी संचालन गरिएको हो । सुरुमा १० लिटर बजारमा पठाउन सुरु गरेकोमा आज दैनिक ५०० लिटर दुध बजारमा पठाउन सफल भएको आनन्द कुमार श्रेष्ठले बताउनु भयो ।

स्थानीय स्तरमा उत्पादन भएका दुग्धजन्य पदार्थको स्थानीयमा पुराई केन्द्र, आसपासका जिल्लामा पु¥याउने लक्ष्य राखिएको छ । दुधसँगै दुग्धका परिकार सबै गाउँमा नै उत्पादन हुन थालेपछि उपभोक्ताहरु समेत खुशी भएका छन ।
उत्पादन मिति हेरेर मात्र खरिद गर्नुपर्ने, खरिद गरे पश्चात चिसोमा राख्नु पर्ने, उमालेर मात्र प्रयोग गर्नुपर्ने, ४८ घण्टा भित्र प्रयोग गरिसक्नु पर्ने, चुहिएको पाकेट भए खरिद नगर्न आग्रह समेत गरिएको छ ।

गाउँमै उत्पादन भएका कृषिजन्य बस्तु प्रवद्र्धन गर्न सकेमा यहाँको आर्थिक विकासमा ठूलो योगदान पुग्ने सरोकारवालाहरु बताउँछन् ।
लिगलिग ब्रान्डको दुध बेच्ने, मिल्क करिडोर बनाउने र पालुङटार नगरपालिकाका कृषकलाई आत्मनिर्भर बनाउने एउटा प्रयास सफल भएको छ ।
तस्बिर : दिपेन्द्र गिरी








































