काठमाडौं, ६ असार २०७६ । पूर्व स्वास्थ्यमन्त्री एवं नेपाली कांग्रेसका सांसद गगन थापाको अगुवाइमा जीवन बचाउने अभियानअन्तर्गत शनिबार पुतलीसडस्थित अरबिट इन्टरनेसनल एजुकेशन परिसरमा स्तन र पाठेघरको मुख क्यान्सरको निःशुल्क जाँच शिविर हुने भएको छ ।
शिविर बिहान १० देखि ३ बजेसम्म सञ्चालन हुनेछ ।
सांसद थापाको अगुवाईमा काठमाडौं निर्वाचन क्षेत्र नं ४ मा जीवन बचाउने अभियानअन्तर्गत हरेक शनिबार स्वास्थ्य शिविरको कार्यक्रम सञ्चालन हुँदै आइरहेको छ ।
शिविरअन्तर्गत पाठेघरको मुखको क्यान्सर र स्तन क्यान्सरको निःशुल्क परीक्षण हुँदै आइरहेको छ । यो अभियानअन्तर्गत १० वटा शिविर उक्त वडाका विभिन्न स्थानमा हुनेछ ।
पहिलो शिविर मैतिदेवी मन्दिर पछाडि भइसकेको छ भने दोस्रो शिविर सांसद थापाको कार्यालय ज्ञानेश्वरमा भएको थियो। यस्तै तेस्रो शिविर कालोपुलमा भएको थियो ।
यसअघि भएका तीनवटा शिविरमध्ये ज्ञानेश्वरमा भएको शिविरमा एक सय १० जनाको निशुल्क जाँच गरिएको थियो । जसमध्ये ४ जनामा समस्या भेटिएको छ । समस्या देखिएकाहरुको समस्या समाधानका लागि आयोजकले सहयोग गर्ने छन्।
मैतिदेवीमा भएको शिविरमा १ सय ८० जनाले सेवा लिएका थिए। जसमध्ये १४ जनामा समस्या देखिएको छ ।
यस्तै कालोपुलमा भएको शिविरमा १ सय ४४ जनाले सेवा लिएका छन्। जसमध्ये ३ जनामा समस्या देखिएको शिविरका कोअर्डिनेटर दिपेश तामाङले जानकारी दिए।
शिविरको मेडिकल सहयोगी नेपाल क्यान्सर रिलिफ सोसाइटी रहेको छ। शिविरलाई कामना सेवा विकास बैंक, मानव स्वास्थ्य र काठमाडौं महानगरपालिका वडा नम्बर ३०ले पनि सहयोग गरेको छ।
काठमाडौं निर्वाचन क्षेत्र नं ४ को संसदको कार्यलयमार्फत सांसाद थापाले यो अभियान सञ्चालनमा ल्याएका हुन्। शिविरसँगै सो वडाका प्रत्येक घरको स्वास्थ्य स्थिति सर्वे पनि हुँदै आएको छ।
जानकारीको लागी तल फोटोमा किल्क गर्नु होला ,सुमेघ ट्राभल्स्
