काठमाडौँ , ३ असार २०७६ । प्रधानमन्त्री केपी शर्मा ओलीले काठमाडौँको माइतीघर मण्डला साँच्चीकैको माइतीघर बनेको बताएका छन् ।
सिंहदरबारमा आयोजित पत्रकार सम्मेलनमा बोल्दै ओलीले माइतीघरलाई सबैले साँच्चीकैको माइतीघर बनाएको बताएका हुन ।
पत्रकार सम्मेलनमा बोल्दै प्रधानमन्त्री ओलीले भने ‘माइतीघर त साँच्चिकेको माइतीघर बन्यो । घरमा यस्सो केही भयो भने मलाई यस्तो गरेर भनेर माइतीघर गएजस्तै अहिले सबैले केही हुन नपाउँदै माइतीघर गएका छन् । सधैँ सडकमा जानु पर्दैन ।’
प्रधानमन्त्रीले वार्ता र संवादको माध्यमबाट सबैकुराको निकास निस्कने भन्दै सबैका असन्तुष्टिलाई छलफल गरेर टुङ्गो लगाउन सकिने बताएका छन् ।
