काठमाडौ, १ असार २०७६ । महानगरीय प्रभाग नागढुंगाले लागुऔषध सहित ६ जनालाई पक्राउ गरेको छ । राजधानीको प्रवेशद्वारमा छुटाछुटै चेक जाँच गर्ने क्रममा ठुलो परिणाममा उनिहरूलाई लागुऔषध सहित पक्राउ गरेको हो ।
महानगरीय प्रहरी बृत्त थानकोटका प्रमुख प्रहरी नायव उपरीक्षक कुमार बिक्रम थापाले धरानबाट काठमाण्डौँ तर्फ आउँदै गरेको ना ७ ख ५९५९ नम्बरको को यात्रु बाहक बसबाट भारत विहार मधुवनि जिल्ला लौखा थाना वडा नं। १० मझौरा घर हुने वर्ष १९ को महम्मद सविरलाई पक्राउ गरेको बताउनु भयो ।
थापाका अनुसार उनका साथबाट लागु औषध डाईजेल्याब १०० एम्पल, फेनारगन १०० एम्पल, नुफिन १०० एम्पल फेला परेको बताउनु भयो ।
थानकोट प्रहरी प्रमुख थापाले भने, नारायणगढ बाट काठमाण्डौँ तर्फ आउँदै गरेको ना ५ ख ९५५ नम्बरको को यात्रु बाहक बस चेक जाँच गर्दा सोही बसमा यात्रा गरी आएका जिल्ला सिन्धुपाल्चोक चौतारा न।पा वडा नंं २ घर हुने वर्ष ३४ को विदुर थापाले लिई आएको लागु औषध डाईजेपाम ५० एम्पल, फेनारगन ५० एम्पल, नुफिन ५० एम्पल र नाईट्राभेट १८० ट्यावलेट फेला परेको जानकारी दिनु भयो ।
त्यसैगरी चेक जाँचकै क्रममा नेपालगंज बाट काठमाण्डौँ तर्फ आउँदै गरेको ना ६ ख २९४१ नम्बरको बस जिल्ला बाँके नेपालगंज उ।म।न।पा वडा नं। ६ घर हुुने वर्ष १९ को रविन थापा र सोही वडा नं। ६ घर हुुने वर्ष २० को विबेक बस्नेतलाई ३२।६५ ग्राम लागु औषध खैरो हेरोईन सहित नियन्त्रणमा लिएको बताउनु भयो ।
सोही घटनामा अनुसन्धान गर्दै जादा जिल्ला बाँके नेपालगंज उ।म।न।पा वडा नं। १ घर भई का।जि बानेश्वर बस्ने वर्ष २३ को शशांक मल्ल र सोही वडा नं। १२ घर भई का।जि शान्तिनगर बस्ने वर्ष २२ को विशाल रन्जित समेतलाई पक्राउ गरिएको बृत्त प्रमुख थापाको भनाई छ ।
पक्राउ परेका विरूद्द लागुऔषध एेन अन्तर्गत म्याद थप गरि मुद्दा चलाईने थानकोट प्रहरीले जनाएको छ
