काठमाडौँ, ३२ जेठ २०७६ । लोक तथा दोहोरी गायक एवम् अन्तर्राष्ट्रिय कलाकार मञ्च अमेरिकाका अध्यक्ष रामप्रसाद खनालले नेपालबाटै आफ्नो पञ्चेबाजाको विशेष लोक दोहोरी एलबम “दुलाहा दुलही” सार्बजानिक गरिएको छ ।
उक्त गीतमा रामप्रसाद खनाल र चर्चित लोक गायिका पूर्ण कला बिसीको सुमधुर आवाज रहेको छ ।
रामप्रसाद खनालको शब्द, थानेश्वर गौतमको सङ्गीत र एरेन्जको दुनियाँको अहिलेको माहिर एरेन्जर आशिष् अविरलको म्युजिक एरेन्ज रहेको प्रस्तुत गीतमा लोक दोहोरी भिडियो क्षेत्रका सर्बप्रिय कलाकार, निर्देशक र नायक शङ्कर बिसीले कोरियो ग्राफ गरेका छन ।
शङ्कर बिसी र सर्जक खनालले संयुक्त निर्देशन गरेको यो भिडियोमा लोक दोहोरी क्षेत्रकी सर्बाधिक लोकप्रिय मोडल, डान्सर करिश्मा ढकाल सहितका प्रोफेशनल कलाकारहरूको अभिनय रहेको छ ।
लोकप्रिय र अग्रज हास्य कलाकारद्वय किरण केसी र शिव हरी पौडेलको विशेष अभिनय समेत रहेको छ ।








































