कैलाली, १२ जेठ २०७६ । खानेपानी तथा सरसफाइमन्त्री बिना मगरले सम्पूर्ण नेपालीलाई प्रशोधित खानेपानीको सुनिश्चितता गरी शुद्ध खानेपानी पुर्याउने सरकारको मुख्य लक्ष्य रहेको बताएकी छिन् ।
कैलालीको टीकापुरस्थित टीकापुर साना शहरी खानेपानी उपभोक्ता तथा सरसफाइ संस्थाको दोस्रो चुनावी साधारणसभामा मन्त्री मगरले सबै नेपालीलाई शुद्ध खानेपानी उपलब्ध गराउने विषयमा सरकार गम्भीर रहेको बताउइन् । मन्त्री मगरले भनिन्, ‘प्रशोधित खानेपानीको सुनिश्चितता सरकारको मुख्य एजेण्डा हो ।’
मुलुकमा करिब ४३ हजार उपभोक्ता समितिमार्फत जनतालाई खानेपानीको व्यवस्था गरिएको मन्त्री मगरले जानकारी दिनु भयो खानेपानी घरघरमा पुर्याउन उपभोक्ता र विभिन्न सङ्घसंस्थामार्फत सरकार लागिपरेको उहाको भनाइ छ ।
सुदूरपश्चिम प्रदेशसभा सदस्य डा। रणबहादुर रावलले शुद्ध खानेपानी पाउनु हरेक व्यक्तिको नैसर्गिक अधिकार भएको बताउनु भयो । टीकापुर नगरपालिकाका प्रमुख तपेन्द्रबहादुर रावलले खानेपानी ढल निकाससँग पनि जोडिएकाले ढल निकासका लागि काम गर्नुपर्नेमा जोड दिए ।
