काठमाडौँ, २८ चैत्र २०७५ । नेपाल विद्यार्थी संघले कांग्रेस नेतृत्व विरुद्ध खबरदारी गर्न लागेको छ । कुन्दन काफ्ले नेतृत्वको विद्यार्थी समूहले सरकारी अराजकता बढिरहँदा प्रतिपक्ष नेपाली कांग्रेस मौन बसेको भन्दै नेतृत्व विरुद्ध खबरदारी गर्न लागेको हो ।
नेविसंघका नेता सिजर भट्टका अनुसार शुक्रबार प्रदर्शनी मार्गमा रहेको वाल्मिकी विद्यापिठमा शुक्रबार खबरदारी सभा गर्न लागिएको जानकारी दिए। नेविसंघले ‘सरकारी अराजकता,प्रतिपक्षको मौनता र युवा विद्यार्थीको भुमिका’ विषयकमा खबरदारी सभा गर्न लागेको हो ।
यस्तै शुक्रबार नै राष्ट्रिय सभा गृहमा कांग्रेस सभापति शेरबहादुर देउवाको प्रमुख आतिथ्यमा ११ विद्यार्थी संगठनहरुले ‘समसामयिक राजनीति र विद्यार्थी आन्दोलन’ विषयक गोष्ठीको आयोजना गरेका छन् ।
