चितवन, ७ चैत्र २०७५ । कांग्रेस महामन्त्री डा। शशांक कोइरालाले संघीयता र गणतन्त्रबारे जनमत संग्रह गर्नुपर्ने अभिव्यक्ति नदिएको बताउनुभएको छ ।
आज भरतपुर विमानस्थलमा प्रेस युनियन चितवनले आयोजना गरेको पत्रकार सम्मेलनमा महामन्त्री कोइरालाले हिजो समाचारमा आए जस्तो आफु संघीयता र गणतन्त्रबारे जनमत संग्रह गर्नुपछ भन्ने पक्षमा आफु नरहेको दावी गर्नुभएको हो ।
संघियता र गणतन्त्र त हाम्रो मुख्य उपलब्धि हो । यसको विषयमा मैले जनमतमा जानुपर्छ भनेको छैन । कोईरालाले भन्नुभयो, मैले फेरी पनि भन्छु मिडियामा गलत समाचार आएको छ । म संघियताको पक्षधर नै हो । महामन्त्री कोइरालाले धर्म निरपेक्ष वा सापेक्ष हुन नसक्ने बताउँदै धार्मिक स्वतन्त्रता सहितको हिन्दु राष्ट्र हुनुपर्ने बताउनुभयो ।
उहाँले फरक प्रसंगमा वर्तमान सरकारले विप्लव माओवादी माथि लागेको प्रतिवन्ध गतल भएको भन्दै विप्लप माओवादीलाई वार्तामार्फत शान्तिप्रक्रियामा ल्याउनुपर्ने बताउनुभयो । जनतका पक्षमा सरकारले काम गर्न नसकेको भन्दै विकास निर्माणमा अघि बढ्न सुझाव दिनुभयो ।
