Opens in a new tab
२०८३ मंसिर ६, शनिबार
७:५६:५९ बिहान
- ADVERTISEMENT -

सरकार विरुद्ध प्रतिपक्षी कांग्रेस सडक संघर्षमा

प्रकाशित मिति: २०७५ माघ २०, आइतबार

878
Shares

काठमाडौं, २० माघ । प्रतिनिधि सभामा संसदीय प्रणाली र परम्परा विपरित मर्यादापालक प्रयोग गरी बलपूर्वक विधेयक पारित गरिएको घटना विरुद्ध प्रमुख प्रतिपक्षी दल नेपाली कांग्रेसले संस्थागत निर्णय गरेर सडक संघर्षमा जाने तयारी गरेको छ ।

कांग्रेसले माघ ११ गते प्रतिनिधि सभामा बलपूर्वक चिकित्सा शिक्षा विधेयक पारित गरेको लगायतका विभिन्न ६ बुँदे मुद्दा लिएर माघ २१ गते देशव्यापी विरोध प्रदेर्शन गर्ने भएको हो ।

आइतबार बसेको केन्द्रिय कार्यसमितिबाट निर्णय गरेर कांग्रेस सडक संघर्षमा जान लागेको हो । कांग्रेसले प्रतिनिधि सभामा संसदीय प्रणाली र परम्परा विपरित मर्यादापालक प्रयोग गरी बलपूर्वक विधेयक पारित गरिएको घटनालाई गम्भीरतापूर्वक लिंदै घोर भत्र्सना समेत गरेको छ ।

त्रिवि शिक्षण अस्पतालका वरिष्ठ चिकित्सक डा. गोविन्द केसीसँग विगतमा भएको सहमति बमोजिम विधेयक अघि नबढाएको भन्दै कांग्रेसले सदन अवरुद्ध गरेको थियो ।

कांग्रेसले सदन घेराउ गरेको बेलामा सभामुख कृष्णबहादुर महराले मार्सल परिचालन गर्दै अवरोधकाबीच नै विधेयक पारित भएको घोषणा गरेका थिए । त्यसपछि सदनभित्र सत्ता र प्रतिपक्षीबीच द्धन्द्ध चर्किएको थियो । त्यसका विरुद्ध कांग्रेस सडक संघर्षमा पनि जान लागेको हो ।

मार्सल प्रयोगको विरुद्धमा माघ २१ गते ७७ जिल्लामा विरोध प्रदर्शन आयोजना गर्ने निर्णय कांग्रेसले गरेको हो । विरोध प्रदर्शनमा ६ मुद्दामा केन्द्रित रहन सम्बन्धित जिल्ला नेतृत्वलाई कांग्रेसले निर्देशन दिएको छ ।

कांग्रेसले माघ ११ गते संसदमा भएको बलजफ्तीको घटना, प्रधानमन्त्री स्वयंको अग्रसरतामा भएको सम्झौता विपरीत चिकित्सा शिक्षा विधेयक पारित गर्ने कार्य र डा. गोविन्द केसीको अनसनप्रति संवेदनहीन सरकारी व्यवहारलाई पहिलो बुँदा भनेको छ ।

त्यस्तोे पार्टीका पूर्वसभापतिद्धय गिरिजाप्रसाद कोइराला र सुशील कोइरालाका नाममा रहेका जी.पी. कोइराला राष्ट्रिय श्वासप्रश्वास उपचार केन्द्र, तनहुँ र सुशील कोइराला प्रखर क्यान्सर अस्पताल, बाँकेलाई नामेट गर्न सरकारले गरेको दुष्प्रयास लाई दोस्रो बुदा भनेको छ ।

हालै स्वास्थ्य मन्त्रालयले देशका विभिन्न भागमा रहेका ११ अस्पताल र स्वास्थ्य केन्द्रलाई संघीय सरकारको मातहतमा राख्न गरेको प्रस्तावमाथि मन्त्रिपरिषदले गिरिजाप्रसाद र सुशील कोइरालाको नाममा रहेका अस्पतालबाहेक अन्य ९ वटाको निर्णय गर्दै यी दुई अस्पताललाई विघटनको प्रक्रियामा लैजान मन्त्रालयलाई निर्देशन दिएको थियो ।

उक्त निर्णय नसच्याएसम्म कांग्रेसले सदन चल्न नसक्ने भन्दै माघ ८ गतेदेखि सदनको कारबाही अवरोध गरेको थियो ।

तर, सत्तापक्षको चाहना र योजना मुताविक सभामुख महराले गत शुक्रबार मार्सल लगाएर विपक्षीको विरोधको वेवास्ता गर्दै शिक्षा मन्त्रीलाई चिकित्सा शिक्षा विधेयक सदनमा पेश गर्न लगाउँदै होहल्लाकाबीच नै विधेयक पारित भएको घोषणा गरे ।

संवैधानिक परिषद्को बैठकमा प्रमुख प्रतिपक्षी दलका नेता देउवाको उपस्थितिवीना विभिन्न पाँच वटा संवैधानिक आयोगका अध्यक्षको नियुक्तिको सिफारिस गरिनु लोकतान्त्रिक मूल्य र परम्परा विपरीतको घटना भएको आरोप लगाएको छ ।

माघ ६ गते संवैधानिक परिषद्को बैठकमा विपक्षी दलका नेता अनुपस्थित हुँदा पनि परिषद्को बैठक बसेर नियुक्तिको सिफारिस गरिएपछि कांग्रेसले यसप्रति पनि गम्भिर आपत्ति जनाउँदै आएको छ ।

देशव्यापी रुपमा बढेको हिंसा, हत्या र बलात्कार, चोरी, डकैती जस्ता जघन्य अपराध नियन्त्रण गर्न सरकार असफल देखिएको आरोप लगाएको छ ।

निर्मला पन्तको बलात्कार पछि हत्या भएको ६ महिना पुगीसक्दा पनि दोषी पत्ता लगाउन त परै जाओस् निर्दोषलाई दोषी ठह¥याउने षडयन्त्र गरेको आरोप पनि कांग्रेस लगाउँदै उक्त विषय पनि विरोधको मुद्दामा समेटेको छ । अभियान टाइम्सका साथमा ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -