काठमाडौं, ४ माघ २०७५ । प्रधानमन्त्री केपी शर्मा ओलीले गोरखकाली टायर उद्योग पुनः सञ्चालनमा ल्याउने बताएका छन् ।
प्रतिनिधिसभाको शुक्रबारको बैठकमा प्रश्नोत्तरमा बोल्दै प्रधानमन्त्री ओलीले उद्योगको तिर्न बाँकी अर्बौं बक्यौता तिरेर उद्योग सञ्चालन गर्ने बताएका हुन् । टायर उद्योग कर्मचारीलाई तलब नै खुवाउन नसक्ने भएपछि तीन वर्षदेखि बन्द थियो ।
बिहीबारको मन्त्रिपरिषद्को बैठकले उद्योग सञ्चालनको निर्णय गरेको उको भनाइ थियो । “विगतको अव्यवस्थालाई व्यवस्थामा बदल्दैछौँ,” उनले भने ।
त्यस्तै बिहीबारको मन्त्रिपरिषदको बैठकले अमलेखसम्म ल्याउन लागिएको पेट्रोलियम पाइपलाइनमा परेका रुख पन्छाउने निर्णय गरेको समेत जानकारी उनले दिए ।
