Opens in a new tab
२०८३ मंसिर ५, शुक्रबार
४:३३:२० बिहान
- ADVERTISEMENT -

वाइडबडीमा देउवामाथी पनि छानविनको माग किन गर्दैछन् कांग्रेसका शिर्षस्थ नेताहरु

प्रकाशित मिति: २०७५ माघ २, बुधबार

1111
Shares

काठमाडौं, माघ २

नेपाल वायुसेवा निगमको वाइडबडी खरिद प्रकरणमा भएको भनिएको अनियमिततामा सभापति शेरबहादुर देउवामाथि पनि छानबिन हुनुपर्ने आवाज नेपाली कांग्रेस भित्रैबाट उठ्न थालेको छ । कांग्रेसका वरिष्ठ नेता रामचन्द्र पौडेल, नेताहरू रामशरण महत, प्रदिप पौडेल लगायतले सार्वजनिक कार्यक्रममै सभापति देउवामाथि पनि छानबिन हुनुपर्ने अवाज उठाएका हुन् ।

सभापति देउवाले आफ्नो कुनै संलग्नता नरहेको र सत्तारूढ दलले भ्रम फैलाउन लागेको आरोप लागेका बेला कांग्रेसकै नेताहरूले छानबिनको माग गरेका हुन् । सार्वजनिक लेखा समितिले तत्कालीन मन्त्रीहरूलाई पनि दोषी ठहर गरेपछि देउवा पनि मुछिएका छन् । पहिलोपटक भुक्तानी दिँदा उनले नै संस्कृति तथा पर्यटन मन्त्रालय सम्हालेका थिए । निगमले पहिलो भुक्तानी २०७४ जेष्ठ २९ गते दिँदा देउवा प्रधानमन्त्री हुँदै सोही मन्त्रालय सम्हालेको ५ दिन भएको थियो ।

तर, लेखा समितिले त्यसबेला मन्त्री नभएका जितेन्द्रदेवलाई दोषी ठहर गरेको थियो । तर, रेकर्डमा हेर्दा त्यसबेला देउवाले नै सो मन्त्रालय सम्हालेको खुलेपछि उपसमितिको प्रतिवेदन गलत रहेको देखिएको थियो । सो विषयमा उपसमितिमा रहेका सदस्यहरूले पनि पर्यटन मन्त्रालयले गलत विवरण दिएकाले जितेन्द्रदेवको नाम परेको बताएका थिए ।

यसविषयमा चौतर्फी दबाब परेपछि केही दिन पहिला धनगढी पुगेका सभापति देउवाले आफ्नो कुनै संलग्नता नरहेको दाबी गर्नुभयो । उहाले वाइडबडी खरिद प्रक्रिया अगाडि बढाउँदा अहिलेका प्रधानमन्त्री केपी शर्मा ओली नै त्यसबेला प्रधानमन्त्री रहेको र सम्झौता हुँदा नेकपाका अर्का अध्यक्ष पुष्पकमल दाहाल प्रधानमन्त्री भएको भन्दै आपूmलाई बदनाम गराउन मात्र लागेको बताउनु भयो । उहाले त्यसबेला आफूले १९ वटा मन्त्रालय सम्हालेको र यस विषयमा कुनै पनि जानकारी वा निर्णय आपूmले नगरेको स्पष्टीकरण दिनु भएको छ ।

तर, देउवाको स्पष्टीकरणबाट कांग्रेसकै नेताहरू खुस नदेखिएको उहाहरूको अभिव्यक्तिबाट देखिएको छ । वरिष्ठ नेता पौडेलले पत्रकार सम्मेलनमै छानविन गरेपछि मात्र देउवाको संलग्नता रहे नरहेको खुल्ने अभिव्यक्ति दिनु भएको छ । कांग्रेस संसदीय दलको कार्यालयमा सोमबार एक पत्रकार सम्मेलन गर्दै नेता पौडेलले वाइडबडी खरिद प्रकरणमा देउवाको संलग्नताबारे छानबिनपछि मात्रै जानकारी हुने बताउनु भयो । उहाले यसबारेमा थप जान्न छानबिन समिति र सरकारलाई सोध्न आग्रह समेत गर्नुभयो । ‘मैले थाहा पाउने कुरा भएन, हेर्ने मान्छेहरूलाई नै सोध्नुहोला’, उहाले भन्नुभयो ।

कांग्रेसका अर्का नेता डा.रामशरण महतले वाइडबडी जहाज खरिदमा देउवा दोषी भएमा पनि कारबाही हुनुपर्ने माग गर्नुभयो । उहाले त्यो अनियमिततामा संलग्न जोसुकै भए पनि कारबाहीको भागिदार हुनुपर्नेमा जोड दिनुभयो । नेपाल प्रेस युनियन रुकुम पश्चिमले चौरजहारीमा गरेको पत्रकार सम्मेलनमा उहाले कांग्रेस सभापतिमाथि आरोप लागेको र छानबिनपछि वास्तविकताबाहिर आउने बताउनु भयो । ‘आरोप सत्य हुन्छ भन्ने छैन, दोषी ठहरिए उहाँमाथि पनि कारबाही हुन्छ’, डा. महतले भन्नुभयो ।

अर्का नेता प्रदिप पौडेलले पनि देउवामाथी पनि छानविन हुनुपर्ने बताउनु भयो । उहाले आरोप लागेपछि त्यसको सत्यतथ्य छानविन हुनुपर्ने माग अगाडी सार्नुभयो ।
लेखा समितिले वाइडबडी जहाज खरिद गर्दा ४ अर्ब ३५ करोडबढि अनियमितता भएको आरोप लगाउदै तीन मन्त्रीसहित ३४ जना पदाधिकारीलाई कारबाही सिफारिस गरेको छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
149.21
149.81
EUR
European Euro
1
163.75
164.41
GBP
UK Pound Sterling
1
196.53
197.32
CHF
Swiss Franc
1
177.22
177.93
AUD
Australian Dollar
1
100.40
100.80
CAD
Canadian Dollar
1
104.22
104.64
SGD
Singapore Dollar
1
115.71
116.18
JPY
Japanese Yen
10
9.37
9.41
CNY
Chinese Yuan
1
22.39
22.48
SAR
Saudi Arabian Riyal
1
39.77
39.93
QAR
Qatari Riyal
1
40.94
41.10
THB
Thai Baht
1
4.39
4.41
AED
UAE Dirham
1
40.63
40.79
MYR
Malaysian Ringgit
1
36.25
36.40
KRW
South Korean Won
100
11.20
11.25
SEK
Swedish Kroner
1
14.70
14.76
DKK
Danish Kroner
1
21.91
22.00
HKD
Hong Kong Dollar
1
19.02
19.09
KWD
Kuwaity Dinar
1
483.04
484.98
BHD
Bahrain Dinar
1
395.52
397.11
OMR
Omani Rial
1
387.55
389.11
- ADVERTISEMENT -