विराटनगर, पुस १७
नेपाली काङ्ग्रेसका केन्द्रीय सदस्य डा शेखर कोइरालाले पार्टीको १४औं महाधिवेशन समयमै हुनुपर्ने र कुनै पनि बहानामा पर धकेल्न नहुने बताउनु भएको छ ।
नेपाल प्रेस युनियन मोरङले आज आयोजना गरेको पत्रकार भेटघाटमा बोल्दै नेता कोइरालाले महाधिवेशन समयमा नभए कांग्रेसमा समस्या आउने बताउनु भयो । उहाँले कांग्रेस नेतृत्व तहले २०७६ फागुन मसान्तभित्रमा महाधिवेशन गर्न सक्यो भने पार्टी सुदृढीकरण र बलियो हुने विश्वास व्यक्त गर्नुभयो ।
‘कांग्रेस नेतृत्व तहले २०७६ फागुन मसान्तभित्रमा महाधिवेशन गर्न सक्यो भने पार्टी सुदृढीकरण र बलियो हुने छ, गर्न चाहेन भने गम्भीर समस्या आउँछ,’ कोइरालाले भन्नुभयो । उहाँले काङ्ग्रेस धार्मिक स्वतन्त्रता र सहिष्णुतामा विश्वास गर्ने पार्टी भएको बताउनुभयो ।
कांग्रेस नेतृत्व तहले २०७६ फागुन मसान्तभित्रमा महाधिवेशन गर्न सक्यो भने पार्टी सुदृढीकरण र बलियो हुने छ, गर्न चाहेन भने गम्भीर समस्या आउँछ
“नेपालको राष्ट्रिय जनावर गाईको संरक्षण हुनुपर्छ । लोभमा धर्म परिवर्तन गराउने खेल बन्द गर्नुपर्छ,” उहाँले भन्नुभयो । उहाँले धर्म र राजनीतिक अलग अलग विषय भएपनि पार्टीको महासमिति बैठकमा हिन्दू राष्ट्रको चर्चा भएको स्पष्ट पार्नुभयो ।
