गोरखा, राजु मियाँ, १२ पौष २०७५ । श्री हिमालय देबी युवा क्लव तथा शहिद लखन गाउँपालिका-६ घैरुङ् पिपलछाप गोर्खाको संयुक्त आयोजनामा “माघे सङ्क्रान्ति मेला तथा हिमालय देवी कप २०७५ ” हुने भएको छ ।

श्री हिमालय देबी कप पुरुष खुल्ला फूटबल प्रतियोगितामा भाग लिन चाहने समुहले यहि मिति २०७५ साल पौष २६ गते बिहान ०९ बजेसम्म आ-आफ्नो समूह दर्ता गराइसक्नुपर्ने राम गुरुङले जानकारी दिनुभयो । शहिद लखन गाउपालिका-६ घैरुङ् पिपलछापमा यहि पौष २६ गतेदेखि माघ १ गतेसम्म मेला लाग्ने जनाएको छ ।

शहिद लखन गाउँपालिकाका अध्यक्ष रमेशबाबु थापा मगरले समुद्घाटन गर्ने फुटबल प्रतियोगितामा प्रथम स्थान हासिल गर्ने प्रतियोगीलाई असी हजार नगदराशी सहित, कप, मेडल तथा प्रमाण-पत्रले सम्मान गरिनेछ, त्यसैगरी द्रितीय स्थान हासिल गर्ने प्रतियोगीलाई पैतिस हजार नगदराशी सहित, मेडल, प्रमाण-पत्रले सम्मान गरिनेछ, त्यसैगरी सेमिफाइनलमा २ टिमलाई पन्ध्र हजार रुपैया सहित सम्मान गरिने कार्यक्रम संयोजक निर्मल गुरुङले जानकारी दिनुभयो ।

माघे सङ्क्रान्ति मेलाको अर्को आकर्षक गोरु जुधाई माघ १ गतेका दिन हुनेछ । गोरु जुधाई प्रतियोगितामा हल गोरु जुधाय बापत प्रथम र द्रितिय हुने हल गोरुका मालिकलाई क्रमश दश हजार र पाच हजार नगदराशीले सम्मान गरिनेछ ।

श्री हिमालय देबी युवा क्लव खेलकुद र सामाजिक बिकाशका लागि आयोजना गरिएको उक्त मेलामा पुरुष खुल्ला फुटबल प्रतियोगीता, गोरु जुधाई, कृषि तथ पशु प्रर्दशन , दौड प्रतियोगिता, डोको,चकटी, खुर्पिटेक लगायत हस्तकला प्रतियोगिता, जग्गादातालाई सम्मानका साथै अन्य बिबिध साँस्कृतिक कार्यक्रम हुने आयोजकले जनाएको छ ।

जानकारीको लागी तल फोटोमा किल्क गर्नु होला ,सुमेघ ट्राभल्स्