ललितपुर, पौष ७ गते । रवि ओड नेपाल आइडल–२ को विजेता बनेका छन । ललितपुरको पुल्चोकमा भएको फाइनलमा उनले तीन प्रतिष्पर्धीलाई हराउदै नेपाल आइडल–२ को उपाधि जित्न सफल भएका हुन् । उनले गाडी, ट्रफि र २२ लाख रुपैयाको चेक पाएका छन् ।
प्रतियोगितामा दोस्रो भएका विक्रम बरालले २० लाख रुपैयाको चेक पाएका छन् । प्रतियोगितामो सेकेण्ड रनरअप सुमित पाठकले १५ लाख रुपैयाको चेक पाएका छन् । चौथो हुन सफल झापाकी अस्मिताले स्कुटर जितिन् ।
को हुन रवि ओड ?
कन्चनपुर जिल्लाको कृष्णपुर नगरपालीका गुलरियामा बुवा राजेन्द्र ओड र आमा उमा ओडको कोखबाट २०५४ साल चैत्र महिनामा जन्मिएका रवि तेस्रो सन्तान हुन । मुख्य आयश्रोत र रोजिरोटिको आधार भारतको ‘वाचम्यान’को जिन्दगी बाँचिरहेका उनका बाज्या र बुवाले अछामबाट बसाइ सरेर कंचनपुर गएका थिए ।
उनको पुर्ख्यौली थलो साविकको अछाम बुढाकोट गाविस हो भने हाल साँफेबगर नगरपालीकामा पर्दछ । बाज्या र बुबाले अछाम छोडेर कन्चनपुर गएपछि उतै जन्मिएका उनि अछाम पुगेका छैनन तर उनि भित्र आफ्नो पुर्ख्यौली थलोमा पुग्ने अधुरो रहर भनै अझै जिवितै छ ।
लोटस हाइस्कुलमा १२ मा अध्यनरत रविलाइ संगितको रसले छोइरहेको छ । बाध्यता गरिवीको जिन्दगीले पिल्सिएका रविका बुढा बुवा अहिले पनि भारतमा ‘वाचम्यानको’ काम गरिरहेका छन । उनि आफै पनि भारतमा गएर काम गरेका हुन्
