काठमाडौं, ३ पौष २०७५ । नेपाल कम्युनिष्ट पार्टीको स्थायी कमिटीको बैठकमा मंगलबार आठ सदस्यले आ–आफ्नो विचार राखेका छन् । अध्यक्षद्धय केपी शर्मा ओली र पुष्पकमल दाहालको सयुक्त राजनीतिक प्रतिवेदनमाथी स्थायी समिति सदस्यहरुले धारणा राखेका हुन् ।
मंगलबारको बैठकमा भिम रावल, शंकर पोख्रेल, केशव बडाल, पृथ्वीसुब्बा गुरुङ, सत्यनारायण मण्डल, टोपबहादुर रायमाझी, योगेश भट्टराई र सोमनाथ अधिकारीले धारणा राख्नु भएको प्रवक्ता नारायणकाजी श्रेष्ठले जानकारी दिनुभयो । अधिकाशंले बैठकमा आआफना असन्तुष्टि राख्दै पार्टीलाई एकजुट बनाउन सबै सक्रिय हुनुपर्ने बताएका छन् ।
नेता रावलले नेतृत्वलाई १४ पृष्ठ लामो लिखित धारणा नै पेश गर्नुभएको छ । उहाले राष्ट्रियता, सांगठनिक एकीकरण र सरकारबारे छुट्टै एजेण्डा बनाएर छलफल गर्न माग गर्नुभएको छ । यस्तै, अन्य नेताहरुले पनि पार्टी र सरकारभित्र देखिएका केही कमिकमजोरीलाई सुधार गर्दै जनतामा आशा छर्ने काम गर्दै जानुपर्नेमा जोड दिनुभयो । बैठक बुधबार विहान ८ बजे पुन बोलाइएको छ ।
