गोरखा, २०७५ साल भाद्र २५ गते सोमबार । बौद्ध हिमाल युवा क्लबको आयोजनामा गोरखा जिल्लाको पालुङटार नगरपालिका-५ ठाटीपोखरी बजारमा तीज गीत प्रतियोगिताका साथै बिबिध सास्कृतिक कार्यक्रमको तयारी पुरा भएको छ । “बौद्ध हिमाल युवा क्लब सम्मान २०७५ ” बाट प्राध्यापक अर्जुन थापा र समाजसेवी कृष्ण बहादुर श्रेष्ठ सम्मानित हुनुहुने भएको छ ।
क्लबको वार्षिक कार्यक्रम बौद्ध हिमाल मेला २०७५ मा उहाँहरुलाई सम्मान गर्ने कार्यक्रम रहेको छ । उक्त कार्यक्रम भाद्र २७ गते बुधबारका दिन बिहान ९ बजेदेखि गोरखाको पालुङटार नगरपालिका -५ ठाटीपोखरी बजारमा हुनेछ
यस क्षेत्रको आर्थिक, सामाजिक, राजनैतिक तथा शैक्षिक विकासमा अतुलनिय टेवा पु¥याउने व्यक्तित्वहरुलाई कृतज्ञता प्रकट गर्दै उक्त सम्मान दिने गरिन्छ । यस बर्ष क्लबले नगरका सम्प्रूर्ण जनता, विद्यार्थी, शिक्षक तथा युवाहरुलाई शैक्षिक क्षेत्रमा गर्नु भएको योगदानको मुल्याङ्कन गर्दै शैक्षिक स्तर विकासमा पु¥याउनु भएको उदाहरणीय कर्म विशेषत नगरपालिकाकै एक मात्र क्याम्पस, भवानी क्याम्पसलाई वर्तमान स्थानमा पुग्न ढेड दशक बन्दा बढी अमुल्य समय खर्चेर सारा पालुङटारलाई नै सहयोग गर्नु भएकोमा र कर्मथलोलाई जन्मथलो जस्तै माया गरिदिनु भएकोमा भवानी क्याम्पस प्रमुख समेत रहेनुभएका अर्जुन थापालाई यस बर्षको सम्मान प्रदान गर्ने क्लबका अध्यक्ष किरण गिरीले जानकारी दिनुभयो ।
त्यसैगरी सोही सम्मान नगरका सम्प्रूर्ण जात जाति, धर्म, सँस्कृतीको जगेर्ना गर्ने पवित्र उद्देश्यले विशेषत नेवार समुदायको पुर्नउत्थानमा तथा नयाँ पुस्तालाई सँस्कृतीको हस्तानतरण गर्न पु¥याउनु भएको उदाहरणीय कर्मलाई सम्मान गर्दै समाजसेवी कृष्ण बहादुर श्रेष्ठलाई “बौद्ध हिमाल युवा क्लब सम्मान २०७५” बाट सम्मानित गरिने भएको हो ।
प्रेरणाको स्रोतका रुपमा लिईने दुई व्यक्तित्वलाई यस सम्मानले थप जिम्मेवार र प्रोत्साहन मिल्ने विश्वास गरिएको छ ।
