काठमाडौ, २०७५ साल श्रावण १० गते बिहिबार । भोली शुक्रबार रातिदेखि शनिवार बिहानसम्म यस शताब्दीकै सबैभन्दा लामो चन्द्रग्रहण लाग्ने भएको छ । यस सालको पहिलो चन्द्रग्रहण २७ जुलाई अर्थात ११ श्रावणमा लाग्दैछ । यो ग्रहण नेपाली समयअनुसार मध्यरात्रि करीब ११ बजेर ५४ मिनट जाँदा शुरू हुनेछ । ग्रहणको मध्यकाल राती १ बजेर ५४ मिनटमा हुनेछ । ग्रहण जुलाई २८ जुलाई अर्थात १२ गते बिहान ४ बजेर ४९ मिनटसम्म लाग्नेछ, त्यसैले चन्द्रग्रहणलाई इतिहासकै लामो ग्रहण भनिएको छ । ग्रहणको समय तपाईले देखिएको चन्द्रमाको दृष्य अद्भभुत देखिनेछ ।
नेपालबाट प्रष्ट देखिने खग्रास चन्द्रग्रहणले चन्द्रमाको पुरै भाग ढाकिएको देखिने खलोगविद जयन्त आचार्यले जानकारी दिनुभयो । ‘राती २ बजेर १५ मिनेटमा चन्द्रमा पुरै छेकिने छ भने ३ बजेपछि विस्तारै चन्द्रमालाई छोड्दै जान्छ । शनिवारको ग्रहण यो शताब्दीकै सबैभन्दा लामो हुने खलोगविद आचार्यले बताउनुभयो ।
चन्द्रग्रहण नेपाल सहित भारत, चीन मंगोलिया, अफ्रिकाका केहि पूर्वी मुलुकहरु, यूरोप, रसिया, सहित क्यानडा र अलास्काबाट पनि देख्न सकिने छ ।
यस ग्रहणलाई जो कोहिले नाङ्गो आँखाले सजिलै हेर्न सक्ने भए पनि सबै राशीका लागि शुभ नहुने विज्ञहरु बताउँछन् । मेष, सिंह, वृश्चिक र मीन राशी भएकाहरुलाई ग्रहण शुभ भए पनि अन्य राशीका लागि शुभ नहुने बताइएको छ ।
