काठमाडौः चितवनको इच्छाकामना गाउँपालिका ३ चुम्लिङटारमा माइक्रोबस र ट्रक एकापसपमा ठोक्किँदा चार जनाको मृत्यु भएको छ।
शुक्रबार बिहान चुम्लिङटार सडकखण्डमा पोखराबाट काठमाण्डौँ आउँदै गरेको ग १ ख ७६९२ नम्बरको माइक्रोबस र काठमाण्डौंबाट मुग्लिङ जाँदै गरेको ना ६ ख ४०६४ नम्बरको ट्रक एकापसमा ठोक्किँदा दुर्घटना भएको हो।
- ADVERTISEMENT -
जिल्ला प्रहरी कार्यालय चितवनका अनुसार दुर्घटना हुँदा ट्रक सडकबाट करिब ५०० मिटर तल त्रिशुली नदी किनारमा खसेको छ। माइक्रो घटनास्थलमा नै रहेको छ।
दुर्घटनामा माइक्रोमा सवार ३ यात्रुको घटनास्थलमा नै मृत्यु भएको हो। थप एक जनाको उपचारका लागि भरतपुरतर्फ ल्याइँदै गर्दा बाटोमा नै मृत्यु भएको हो ।
- ADVERTISEMENT -
दुर्घटनामा परी ८ जना यात्रु घाइते भएका छन्। घाइतेको उपचारका लागि भरतपुर लगिएको छ। मृतक र घाइतेको पहिचान भइनसकेको प्रहरीले जनाएको छ।
