सुष्मा स्वराज राष्ट्रपति भण्डारीबीच भेटवार्ता

काठमाडौं, दुई दिने भ्रमणका लागि काठमाडौं आउनु भएकी मोदीको बिशेष दूत भारतीय विदेश मन्त्री सुष्मा स्वराजले राष्ट्रपति विद्या भण्डारीसँग भेटवार्ता भएको छ।
उनीहरुबीच राष्ट्रपति कार्यालय शितलनिवासमा भेटवार्ता भएको हो ।
राष्ट्रपति भण्डारी र भारतीय विदेशमन्त्री स्वराजबीच नेपाल–भारत सम्बन्धका साथै पारस्परिक हितका विविध विषयमा विचार विमर्श भएको राष्ट्रपतिको कार्यालयले जनाएको छ ।
विदेश मन्त्री स्वराजले प्रधानमन्त्री शेरबहादुर देउवासँग आजै भेटवार्ता गर्नेछिन् ।
विदेशमन्त्री स्वराजले प्रधानमन्त्री देउवासँग प्रधानमन्त्री निवास बालुवाटारमा भेट गर्नेछिन् ।
त्यहाँ कांग्रेसका नेताहरुसँग पनि सामूहिक भेटवार्ता हुनेछ । बालुवाटारमै प्रधानमन्त्री देउवाले विदेशमन्त्री स्वराजको सम्मानमा दिवाभोजको व्यवस्था गरेका छन् ।