नेपालगञ्ज – नेकपा एमाले र राप्रपाको बीचमा जिल्लामा पनि सम्झौता भएको छ। केन्द्रको सम्झाैताअनुसार उम्मेदवारी दर्ता गरेका यी दलका जिल्ला नेताले सोमबार यहाँ पनि सम्झौता गरेका हुन्।
बाँकेको तीन वटा निर्वाचन क्षेत्रमध्ये एमालेले दुई र राप्रपाले एउटा क्षेत्र लिएका छन्। प्रदेशको ६ वटा क्षेत्रमा एमालेले ५ र राप्रपाले एउटा क्षेत्र लिएको छ।
एमालेका जिल्ला अध्यक्ष किस्मत कक्षपति र राप्रपाका अध्यक्ष नरेन्द्र पौडेलले हस्ताक्षर गरेको सम्झौतामा राप्रपाले क्षेत्र नम्बर २ को प्रतिनिधि सभामा डा. धवल शमशेर राणा र क्षेत्र नम्बर १ को प्रदेश सभा (क) मा नरेन्द्र पौडेल र बाँकी सबै सिटमा एमालेका उम्मेदवार रहने छन्।
एमालेबाट क्षेत्र नम्बर १ मा सूर्य ढकाल प्रतिनिधि सभा र प्रदेश सभा (ख) मा दुर्गा चौधरी, क्षेत्र नम्बर २ मा प्रदेश सभामा विजय यादव र निरक गुरुङ, क्षेत्र नम्बर ३ मा किस्मत कक्षपति प्रतिनिधि सभा र प्रदेशमा भीम वली र रत्न खत्री उम्मेदवार छन्।








































