Opens in a new tab
२०८३ मंसिर ६, शनिबार
१:३६:३१ दिउँसो
- ADVERTISEMENT -

सत्ता गठबन्धनमा सकस, कांग्रेसलाई दबाब

प्रकाशित मिति: २०७९ भदौ २८, मंगलबार

204
Shares

काठमाडौँ- सत्ता गठबन्धनभित्र सिट बाँडफाँडको विषय निकै पेचिलो बनेको छ । साना दलहरुले ठूलो सिट माग गरेपछि सत्ता गठबन्धनमा सिट बाँडफाँडको विषय पेचिलो बनेको हो ।

चुनाव नजिकिँदै जाँदा सिट बाँडफाँड नमिल्दा गठबन्धन नै टुट्ने हो कि भन्ने डर नेता कार्यकर्तामा बढ्न थालेको छ । सिट मिलाउने प्रयास भइरहेका बेला गठबन्धन टुट्ने गरी चर्को र आलोचित अभिव्यक्ति नदिन प्रधानमन्त्री तथा कांग्रेस सभापति शेरबहादुर देउवाले कार्यकर्तालाई निर्देशन नै दिएका छन् ।

यस्तै कांग्रेस उपसभापति पूर्णबहादुर खड्काले पनि गठबन्धनका नेतालाई असर नपर्ने गरी कार्यक्रम र प्रचारप्रसार गर्न आग्रह गरेका छन् । गठबन्धन नगर्दा कांग्रेसलाई चुनाव लड्न गाह्रो हुने समेत प्रतिक्रिया उनले दिएका छन् ।

यस्तो बेलामा सिट बाँडफाँडमा को कहाँ चुक्ने हो ? नेताहरू गम्भीर चिन्तामा छन् । गठबन्धनमा यति बेला साना मानिएका नेकपा एकीकृत समाजवादी, जसपाले ठूलो सिट माग गरेका छन् । जसपाले कम्तीमा २५ जनालाई टिकट दिनै पर्ने भएकाले त्यहाँबाट तल झर्न नसकिने बताउँदै आएको छ ।

जसपा पनि २० देखि २५ सिटलाई बटमलाइन बनाएर आफ्नो माग राखिरहेको छ । माओवादी भने ५० देखि ६० सिट माग गरिरहेको छ । कांग्रेस १०० सिटको बटमलाइनमा छ । कांग्रेस र माओवादी सजिलै भाग मिलाउन खोज्दा माधव नेपाल र उपेन्द्र यादवको अडानले सकस बढेको नेताहरू बताउँछन् ।

नेकपा समाजवादी र जसपाको अडानले कांग्रेसलाई भने दबाब बढ्दै गएको छ । जतिसक्दो छिटो सिट बाँडफाँड टुंग्याउन नसकेको खण्डमा कांग्रेसलाई अहिले गठबन्धनको नेतृत्वका हिसाबले चुनौती थपिनेछ । त्यो भन्दा धेरै प्रतिपक्षी नेकपा एमाले भने अझै पनि माओवादी र नेकपा एकीकृत समाजवादीको भरोसा गरेर बसेको छ ।

कांग्रेससँग कुरा नमिलेको खण्डमा प्रचण्ड र माधव नेपालसँग वाम गठबन्धन गर्नुपर्ने झिनो आस एमालेका नेताहरूमा छन् । त्यसैले गर्दा पनि प्रचण्ड, माधव नेपाल र उपेन्द्र यादवको चित्त बुझाएर पनि सिट बाँडफाँडको विषय टुंग्याउनुपर्ने दबाब कांग्रेसलाई छ ।

चुनावमा अन्तर्घात हुने डर !

सिट बाँडफाँडको विषयमा देखिएको असन्तुष्टि चुनावमा देखिने सम्भावना बढेको छ । यसअघि स्थानीय तहका धेरै ठाउँमा पनि सत्ता गठबन्धनभित्रै अन्तर्घात भएको थियो । अहिले त्यसरी नै केन्द्रमा कुरा नमिल्दा र जबर्जस्ती बढी सिट नपाएको झोकमा कांग्रेस र माओवादीभित्रैका नेताहरुबाट अन्तर्घात हुने सम्भावना बढेको हो ।

चुनावमा कांग्रेसले माओवादीलाई र माओवादीले कांग्रेसलाई भोट दिने सम्भावना पनि न्यून देखिएको छ । कम्युनिष्ट बीच कुरा मिले पनि कांग्रेस र माओवादीका तल्लो तहका नेता तथा कार्यकर्ताहरुमा मन मिल्न बाँकी रहेको नेताहरू बताउँछन् ।

शीर्ष नेताहरूले अडानका कारण सिट बाँडफाँड टुंग्याएपनि चुनावको बेला कांग्रेस र कम्युनिष्टबीचमा अन्तर्घात हुन सक्ने सम्भावना छ । कांग्रेसले आफूले भनेजति १०० सिट नपाएको खण्डमा धेरै ठाउँमा कांग्रेस नेता कार्यकर्ताबाट अन्तर्घातका लागि सर्कुलर नै हुन सक्ने जोखिम पनि छ ।

कांग्रेसमा संस्थापनइतर पक्ष भने अहिले पनि सत्ता गठबन्धनप्रति सन्तुष्ट छैन । एक्ला एक्लै चुनाव लड्दा पार्टीलाई बढी फाइदा हुने भन्दै शेखर कोइराला समूहले गठबन्धनभन्दा बढी एक्लै चुनाव लड्नुपर्ने दबाब दिँदै आएको छ ।

तर देउवा फेरि प्रधानमन्त्री बन्न सहज होस् भन्नका लागि सत्ता गठबन्धन जोगाएरै चुनावमा जानुपर्नेमा जोड दिइरहेका छन् । काठमाडौँमा शीर्ष नेता र गठबन्धनका नेताहरूबिच कुरा मिले पनि कार्यकर्ताको मन नमिल्दा तथा उम्मेदवारी दिन नपाएको झोकमा अन्तर्घात हुने त्रास बढेको हो ।

यद्यपि अहिले सिट बाँडफाँडको सकसमा रहेका नेताहरूले यसबारेमा चिन्तन गरेको देखिँदैन । जुन सोझै चुनावको नतिजा सँगसँगै देखिने सम्भावना प्रबल छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -