काठमाडौंमा जारी छैटौं संस्करणको महिला साफ च्याम्पियनसिपअन्तर्गत आज समूह ‘ए’ का दुई खेल हुँदैछन् ।
त्रिपुरेश्वरस्थित दशरथ रंगशालामा हुने पहिलो खेलमा पाकिस्तान र बंगलादेश भिड्ने छन् । खेल दिउँसो १ बजेबाट सुरु हुनेछ ।
पाकिस्तान आज पहिलो जितको खोजीमा छ । उसले पहिलो खेलमा भारतसँग ३–० गोलको हार बेहोरेको थियो । बंगलादेश भने लगातार दोस्रो जित निकाल्ने प्रयासमा छ । उसले पहिलो खेलमा माल्दिभ्सलाई ३–० ले हराएको थियो।








































