भीमसेनथापा गाउँपालिकाको गाउँ सभा बहिष्कार सम्बन्धि विषयलाई लिएर एकाध सञ्चार माध्यममा आएको समाचारप्रति उपाध्यक्षको गम्भीर ध्यानाकर्षण भएको छ । गाउँ पालिकाको समग्र विकासमा सहमतीय अवधारणा अनुरुप अघि बढ्न र सहकार्यको परिपाटी सुरु गर्न निर्वाचन लगत्तै नीति तथा कार्यक्रम र बजेट निर्माणको क्रममा प्रष्ट विचार राख्दै आएको आएको उपाध्यक्ष अमृत वस्तीले बताउन भयो । निर्वाचित जनप्रतिनिधिहरुको भूमिका र कार्यक्षेत्र स्थानीय सरकार संचालन ऐन-२०७४ ले प्रष्ट पारेको अवस्थामा सामान्य बहुमतको बलमा जनताद्वारा निर्वाचित उपाध्यक्षको भूमिका र अधिकारलाई कुण्ठित पार्दै अनुचित दबाब सिर्जना गर्ने कार्य निन्दनीय रहेको उल्लेख गर्दै यस्तो कार्यको जीवनपर्यन्त भन्दै बिरोध गर्दै आएरहनु भएको छ ।
उहाँले जोड्नु भयो “जहाँसम्म उपाध्यक्षको सवारी साधनको विषयलाई लिएर कपोलकल्पित सामाग्रीहरु सुनियोजित रुपमा सम्प्रेषण भएका छन्, यसको म घोर भर्त्सना गर्दछु । निर्वाचन ताका नै मैले नियमित पाउने सेवा सुविधा नलिने र प्राप्त गर्ने सुविधा गाउँ पालिकाको विपन्न वर्गको उत्थानमा प्रयोग गर्ने लिखित प्रतिबद्दता व्यक्त गरेको स्मरण गराउन चाहन्छु । मेरो लागि कुनै पनि भौतिक सुविधा गौण विषय हो, मुख्य विषय त भीमसेनथापा गाउँपालिकाको समग्र विकास र यहाँको स्थानीयको जीवनस्तर उकास्नु नै हो । यो सामाजिक भावनाले प्रेरित विचारबाट म कहिल्यै पनि विचलित हुने छैन ।”
बहुमतको दम्भमा गलत निर्णय गर्न खोज्ने र प्रतिवाद गर्दा विषयान्तर गर्दै सुविधासँग जोडेर भ्रम सिर्जना गर्ने दुष्प्रयासलाई भीमसेनथापा गाउँ पालिका जनताले बुझ्ने विषयमा उहाँ विस्वोस्त हुनुहुन्छ ।
उहाँ ले सामाजिक सन्जाल मार्फत पालीका का बासी भन्नु भएको छ ।
*** गलत समाचारबाट भ्रमित नहुन भीमसेनथापा गाउँ पालिकाका स्थानीयलाई अमृता वस्तीको अपील ***
भीमसेनथापा गाउँपालिकाको गाउँ सभा बहिष्कार सम्बन्धि विषयलाई लिएर एकाध सञ्चार माध्यममा आएको समाचारप्रति मेरो गम्भीर ध्यानाकर्षण भएको छ । गाउँ पालिकाको समग्र विकासमा सहमतीय अवधारणा अनुरुप अघि बढ्न र सहकार्यको परिपाटी सुरु गर्न मैले निर्वाचन लगत्तै नीति तथा कार्यक्रम र बजेट निर्माणको क्रममा प्रष्ट विचार राख्दै आएको छु । निर्वाचित जनप्रतिनिधिहरुको भूमिका र कार्यक्षेत्र स्थानीय सरकार संचालन ऐन-२०७४ ले प्रष्ट पारेको अवस्थामा सामान्य बहुमतको बलमा जनताद्वारा निर्वाचित उपाध्यक्षको भूमिका र अधिकारलाई कुण्ठित पार्दै अनुचित दबाब सिर्जना गर्ने कार्य निन्दनीय छ र यस्तो कार्यको जीवनपर्यन्त विरोध गरिरहनेछु ।
जहाँसम्म उपाध्यक्षको सवारी साधनको विषयलाई लिएर कपोलकल्पित सामाग्रीहरु सुनियोजित रुपमा सम्प्रेषण भएका छन्, यसको म घोर भर्त्सना गर्दछु । निर्वाचन ताका नै मैले नियमित पाउने सेवा सुविधा नलिने र प्राप्त गर्ने सुविधा गाउँ पालिकाको विपन्न वर्गको उत्थानमा प्रयोग गर्ने लिखित प्रतिबद्दता व्यक्त गरेको स्मरण गराउन चाहन्छु । मेरो लागि कुनै पनि भौतिक सुविधा गौण विषय हो, मुख्य विषय त भीमसेनथापा गाउँपालिकाको समग्र विकास र यहाँको स्थानीयको जीवनस्तर उकास्नु नै हो । यो सामाजिक भावनाले प्रेरित विचारबाट म कहिल्यै पनि विचलित हुने छैन ।
अत: बहुमतको दम्भमा गलत निर्णय गर्न खोज्ने र प्रतिवाद गर्दा विषयान्तर गर्दै मेरो सुविधासँग जोडेर भ्रम सिर्जना गर्ने दुष्प्रयासलाई भीमसेनथापा गाउँ पालिका निवासी बुवा-आमा, दिदी-बहिनी तथा दाजुभाइहरुले बुझ्नु हुनेछ भन्ने मलाई विश्वास छ । अन्यायको विरुद्धमा लड्ने हाम्रो अभियानमा पालिकावासीले दिनुभएको साथको सम्मान गर्दै आगामी दिनमा पनि यस्तै सहयोगको अपेक्षा गर्दछु ।
जय नेपाल !
अमृता वस्ती
उपाध्यक्ष, भीमसेनथापा गाउँपालिका
२०७९/०३/३१








































