काठमाडौँ, शनिबार, २२ माघ २०७८ । प्युठानको गौमुख गाउँपालिकास्थित ओखरपाटामा जिप दुर्घटना हुँदा मृत्यु हुनेको संख्या ८ पुगेको छ ।
प्युठानको नौबहिनी गाउँपालिकाको लुङबाट बेहुली लिएर गौमुखी गाउँपालिकाको लिवाङ जाँदै गरेको ग १ ज ५०९२ नम्बरको जिप गएराति ३ बजे गौमुखी-६ ओखरपाटामा दुर्घटनामा परेको हो ।
जिल्ला प्रहरी कार्यालय प्युठानका अनुसार पाँच महिला र तीन पुरूष गरि आठ जनाको मृत्यु भएको छ । जनाको घटनास्थलमै मृत्यु भएको थियो भने दुई जनाको अस्पताल लगेपछि चिकित्सकले मृत घोषणा गरेका हुन् ।
दुर्घटनामा अन्य ५ जना गम्भिर घाइते भएका छन् । उनीहरूकाे जिल्ला अस्पताल बिजुवारमा उपचार भैरहेकाे प्रहरीले जनाएकाे छ ।








































