Opens in a new tab
२०८३ मंसिर ६, शनिबार
९:०६:२२ बिहान
- ADVERTISEMENT -

बेरोजगार युवालाई स्वदेशमै रोजगारी प्रदान गर्नका लागि वातावरण निर्माण गछौं :मन्त्री श्रेष्ठ

प्रकाशित मिति: २०७८ पुस ११, आइतबार

643
Shares

आइतबार, ११ पौष २०७८ । श्रम, रोजगार तथा सामाजिक सुरक्षामन्त्री कृष्णकुमार श्रेष्ठले सरकारले स्वदेशमा नै रोजगारीको वातावरण निर्माण गर्न लागेको बताउनु भयो । न्यूज लाइन्स् मिडिया प्रा लि को छैटौँ वार्षिकोत्सवका अवसरमा शनिवार रोयल भिल्ला रिसोर्टमा आयोजित ‘वार्षिकोत्सव एवं सम्मान’ कार्यक्रममा उहाँले स्वदेशमै रोजगारीको वातावरण निर्माण गर्न वर्तमान सरकार लागेको बताउनु भएको हो । “समृद्ध नेपाल निर्माणका लागि सरकार लागेको छ, सरकार बेरोजगार युवालाई स्वदेशमै रोजगारी प्रदान गर्नका लागि वातावरण निर्माण गर्दैछ”, उहाँले भन्नुभयो ।

मन्त्री श्रेष्ठले नेपालको अर्थतन्त्रमा वैदेशिक रोजगारको महत्वपूर्ण भूमिका रहेको बताउँदै विदेश जाने युवाका लागि तालिम प्रदान गर्न सरकारले सातै प्रदेशमा तालिम केन्द्र निर्माण गर्न लागेको बताउनु भयो । सामाजिक सुरक्षा कोषलाई सरकारले कडाइका साथ लागू गर्न खोजेको र यसमा सहयोग गर्न सबैलाई श्रेष्ठले आग्रह गर्नुभयो ।

कार्यक्रममा बिशेष अतिथी नेपाली कांग्रेसका नेता अर्जुननरसिंह केसीले लोकतन्त्रको मेरुदण्डका रूपमा नेपाली पत्रकारिता क्षेत्र अगाडि बढेको भन्दै सत्य, तथ्य र विश्वसनीय समाचार सम्प्रेषण गर्नुपर्नेमा जोड दिनुभयो । पूर्वमन्त्री केसीले अनलाइन पत्रकारिताले जनतालाई तत्काल सुसूचित गर्ने कार्य गरेको बताउँदै आवाजविहीनहरूका आवाज बन्न अनलाइनलाई आग्रह समेत गर्नुभयो ।

कार्यक्रममा बिशेष अतिथी गैरआवासीय नेपाली संघ (एनआरएनए) कतारका अध्यक्ष मोहम्मद मुक्तदा मुसलमानले सरकारले मध्यपुर्वका नेपालीलाई प्राथमिकता दिनुपर्ने बताउदै अध्यक्ष मुक्तदाले मध्यपुर्व रेमिटेन्सको खानी भएको जनाउदै यहाँ कार्यरत नेपालिको सिप,अर्थतन्त्र र ज्ञानलाई देश बिकाशमा लगाउनु पर्ने बताउनु भयो । साथै, उहाँले बिदेशमा बस्ने नेपालीले २ बर्षमा पठाएको रेमिटेन्स बराबरको रकम सरकारले अनुदान दिनुपर्ने नया नियम लागु गर्न मन्त्री श्रेष्ठलाई आग्रह समेत गर्नुभयो । अध्यक्ष मुक्तदाले मध्यपुर्वमा अर्धदक्ष र दक्ष कामदार पठाउन सरकारलाई आग्रह गर्दै कतारमा हुदै गरेको विश्वकप २०२२ बाट नेपालले धेरै फाईदा लिन सक्ने भएकाले यसतर्फ सरकारको ध्यानाकर्षण गराउनु भएको थियो ।

राष्ट्रिय प्रजातन्त्र पार्टीका केन्द्रीय सदस्य देवेन्द्र प्रधानले नेपाली अनलाइनले सत्य, तथ्य र निष्पक्ष भएर समाचार सम्प्रेषण गर्नुपर्ने बताउनु भयो । नेपाली कांग्रेस काठमाडौँ महानगरपालिका–४ का सभापति एवं समाजसेवी रामप्रसाद न्यौपानेले अनलाइन मिडियाले समाजमा भएका कमजोरीलाई कुनै लोभ र लालचमा नपरी औँल्याउनुपर्ने जोड दिनुभयो ।

कार्यक्रममा ट्रेकिङ एजेन्सिज् एशोसिएशन अफ नेपाल (टान) का अध्यक्ष खुमबहादुर सुवेदीले कोरोनाले थला परेको नेपालको पर्यटन क्षेत्रलाई पुनःउत्थान गर्नका लागि सञ्चारकर्मीको महत्वपूर्ण भूमिका रहेको उल्लेख गर्नुभयो । कोरोना भ्याक्सिन लगाएका पर्यटकलाई नेपालमा निर्वाध हिँड्ने वातावरण निर्माण गर्नुपर्ने उहाँको भनाइ रहेको थियो । न्यूज लाइन्स मिडियाका प्रधानसम्पादक राजु भट्टले पत्रकारिताको भावना र मर्म अनुसार आफ्नो मिडियाले सत्य, तथ्य र विश्वसनीय समाचार सम्प्रेषण गर्दै आएको बताउनु भयो ।

कार्यक्रममा सार्थक नेपाल अभियानका अध्यक्ष भरत गौतम, नेकपा (एकीकृत समाजवादी) बागमती प्रदेश सदस्य भक्त श्रेष्ठ, पत्रकार सरोज ओझालगायतले अनुशासित र मर्यादित ढङ्गले पत्रकारिता गर्न आग्रह गर्नुभयो ।

न्यूज लाइन्स मिडियाकी प्रबन्ध निर्देशक रीता ढकालले समृद्ध नेपाल निर्माणका लागि सकारात्मक समाचार सम्प्रेषणलाई न्यूज लाइन्स सधैँ अग्रभागमा बसेर कलम चलाउने बताउनु भयो ।

कार्यक्रममा समाजमा विशेष योगदान पु¥याउने रामप्रसाद न्यौपाने, सन्तोष कोईराला, शिवहरि गिरी, नीरज सिटौला, पुष्कल मल्ल, अनिल पोखरेल, शिवलोचन पराजुली, महेशजङ्ग कुँवर, आनि भीम सुवा गुरुङ, तुलसा कोइराला, भक्तबहादुर (बिबी) कार्की, नवीना खड्का, भुषण महर्जन र सोभा पौडेललाई सम्मान गरिएको थियो ।

कार्यक्रममा जनसवाल रास्ट्रिय दैनिकका सम्पादक रामजी बगाले, एनआरएनए कतारका अध्यक्ष मोहम्मद मुक्तदा मुसलमान, सुनेरा नेपालका सन्तोष कोईराला , सगरमाथा पोस्टका सम्पादक रबिन थपलिया, पत्रकार सरोज ओझा, पत्रकार सागर श्रेष्ठ, पत्रकार रञ्‍जित धमला, पत्रकार जिवन शर्मालगाएतका समाजमा अग्रणी भुमिका निभाएका ब्यक्तित्वलाई श्रम, रोजगार तथा सामाजिक सुरक्षामन्त्री श्रेष्ठले सम्मान गर्दै मायाको चिनो प्रदान गर्नु भएको थियो ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -