Opens in a new tab
२०८३ मंसिर ६, शनिबार
६:३०:५५ बिहान
- ADVERTISEMENT -

महामन्त्रीमा गगन, प्रदीप र विश्वप्रकाशमध्ये को बलियो

प्रकाशित मिति: २०७८ मंसिर २७, सोमबार

738
Shares

काठमाडौँ, २७ मङ्सिर २०७८ । सत्तारूढ दल नेपाली कांग्रेसको १४औं महाधिवेशनको मतदान प्रक्रिया आज सोमबार बिहानबाट काठमाडौंमा सुरु हुँदैछ । यसपटक यसअघि देखिएका कांग्रेसका गुटहरू पहिलेकै अवस्थामा रहेका छैनन् । त्यसैले सभापतिदेखि महामन्त्रीसम्म यसपटकको प्रतिस्पर्धालाई निकै रोचक रूपमा लिइएको छ ।

कांग्रेस महामन्त्रीका लागि डा. मिनेन्द्र रिजाल, प्रकाशशरण महत, गगन थापा, प्रदीप पौडेल, विश्वप्रकाश शर्मा, राजाराम कार्की गरी ६ जनाको उम्मेदवारी परेको छ ।

यीमध्ये अहिले सबैभन्दा बढी चर्चामा रहेका तीन नाम हुन्- गगन, प्रदीप र विश्वप्रकाश । तीनै जना विद्यार्थी राजनीतिबाट कांग्रेसको मूलधारको राजनीतिमा आएका र भोलि यी तीनले नै कांग्रेसको नेतृत्व गर्नेछन् भन्ने अनुमानका आधारमा पनि एउटै पदमा उम्मेदवारी दिएकाले यी तीनको नाम अहिले चर्चामा आएको हो ।

विश्वप्रकाश, गगन र प्रदीप तीनै जनाले कांग्रेसको विद्यार्थी संगठन नेपाल विद्यार्थी संघमा लामो समय काम गरे । यसको संगठनमा यी तीनजनाको उत्तिकै चर्चा र चासो छ । त्यसैले पनि एउटै पदमा उम्मेदवारी दिएका यी तीनमध्ये कसले बाजी मार्ने हुन् भन्ने हेर्न बाँकी छ ।

यस पटकको महाधिवेशनमा १३औं महाधिवेशनमा कृष्णप्रसाद सिटौलाको प्यानलबाट महामन्त्रीमा उम्मेदवारी दिएका गगन थापाले गुट परिवर्तन गरेका छन् । यसअघि सभापति शेरबहादुर देउवा निकट रहेका विश्वप्रकाश शर्मा पनि देउवा प्यानलमा अटेका छैनन् । त्यसैले उनले प्रकाशमान सिंह प्यानलबाट आफ्नो उम्मेदवारी घोषणा गरेका छन् ।

१३औं महाधिवेशनपछि सिटौलासँग नजिकिएका प्रदीप पौडेलले चाहिँ सिटौलाकै समर्थनमा देउवा प्यानलबाट महामन्त्री पदमा उम्मेदवारी दिएका छन् ।

अब लागौं यी तीनमध्ये को सबैभन्दा बलियो उम्मेदवार हो र किन भन्ने विषयमा ।

यो महाधिवेशनमा सबैभन्दा बढी ख्याल गर्नु पर्ने विषय हो, यसमा आएका महाधिवेशन प्रतिनिधिबारे । आम रूपमा चर्चित भएर होइन, पार्टीको संगठनमा को बलियो छ भन्ने विषयले कांग्रेसको यो महाधिवेशनमा जितको सम्भावनालाई बढी बलियो बनाउँछ । यसपटक महाधिवेशन प्रतिनिधिहरूमा देउवापक्षका प्रतिनिधि बढी भएको अनुमान कांग्रेसका नेताहरूले गरिसकेका छन्।

त्यसो त यसअघि भएका जिल्ला अधिवेशनहरूमध्ये पौडेल समूहको भन्दा धेरैमा देउवा समूह हावी भएको स्पष्ट छ । त्यस्तै, प्रदेश अधिवेशनमा पनि देउवा समूहको नै वर्चश्व रहेको देखिन्छ ।

हो, केन्द्रमा देउवाको साथ छाडेर विमलेन्द्र निधिले आफैं पनि सभापतिमा उम्मेदवारी दिएका छन्। उनले देउवा विरोध क्याम्पलाई सहयोग गर्छु भनेर बारम्बार भनिरहेका पनि छन् । तर, उनले यसो भन्दै गर्दा पनि यसपटक उनको महाधिवेशन प्रतिनिधिमा खासै पकड देखिएको छैन । उनले महाधिवेशनमा उम्मेदवारी दर्ता गर्दा नै पदाधिकारीका लागि पनि पूरै प्यानल नपाउनुले पनि यसको पुष्टि गर्छ ।

अर्कोतिर उनीसँग निकट भनिएका विश्वप्रकाश शर्माले नै पनि उनको साथ छोडेका छन् । यसले पनि निधिले देउवाको उल्लेख्य भोट काट्न नसक्ने अनुमान धेरै छन् ।

निधिले छाडे पनि देउवासँग सिटौलाको साथ छ । कांग्रेस नेताहरूको अनुमान छ, यसपटक महाधिवेशनमा निर्णायक बनेर बसेका छन्- सिटौला । त्यसैले देउवालाई निधिको साथ छुट्दा पनि खासै फरक नपर्ने देखिन्छ ।

देउवासँग भएका विजयकुमार गच्छदार र सुनिल थापा समर्थनका प्रतिनिधिहरूले पनि महामन्त्रीका उम्मेदवार दिने मतले ठूलो अर्थ राख्ने देखिन्छ ।

यसले गर्दा देउवा प्यानलबाट महामन्त्रीमा उम्मेदवार भएका प्रदीप पौडेल विश्वप्रकाश शर्मा र गगन थापाभन्दा बलिया देखिन्छन् । अर्कोतिर, गगन थापा शेखर कोइरालाको प्यानलबाट उम्मेदवार बन्दा पनि पौडेललाई नै फाइदा पुगेको छ । यसअघि प्रकाशमान सिंहसँग निकट देखिएका थिए- थापा ।

तर, अन्तिम समयमा शेखरको प्यानलमा उनी पुगेपछि प्रकाशमान सिंह र उनीनिकट नेताहरू थापासँग रुष्ट भएको अनुमान गरिएको छ । यसले गर्दा प्रकाशमान सिंहका झन्डै २ सय महाधिवेशनमा प्रतिनिधिहरूले गगनलाई मत नदिने अनुमान गरिएको छ । एकातिर गगनको भोट काटिनु र अर्कोतिर पौडेलको भोट थपिनुले यो महाधिवेशनमा यी तीन महामन्त्रीका उम्मेदवारमा पौडेल सबैभन्दा बलिया देखिएका छन् ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -