गोरखा, ८ कात्तिक २०७८ । चाइना फाउण्डेशनले गोरखामा शैक्षिक तथा स्वास्थ्य सरसफाइ सम्बन्धी सामग्रीसहितको झोला वितरण गरेको छ ।

जिल्लाको गोरखा नगरपालिका, गण्डकी गाउँपालिका, शहीद लखन गाउँपालिका र सिरानचोक गाउँपालिकाका विद्यार्थीहरुलाई उक्त झोला वितरण गरेको हो ।

झोलाभित्र लेख्ने तथा चित्रकलाका कापी, कलम, पेण्टिङ कलर, खाजा तथा पानी राख्ने भाँडा, बुरुस, मञ्जन, मास्क लगायतका सामग्री रहेका छन् । धिरन थापा, दिनेश अमगाई र दिवश बाबु भट्टले हस्तान्तरण गर्नु भएको थियो ।

संस्थाले गोरखा नगरपालिका ६ को बालमन्दिर माविका १८७ जना, गोरखा नगरपालिकाकै विन्दवासिनी माविका २३७ जना विद्यार्थीलाई समेत साे सामाग्री सहयाेग गरेकाे छ । संस्थाले सिरानचाेकका ११ बिधालयमा अध्ययनरत १ हजार १ सय ७४ बिधार्थीले साे सहयाेग सामाग्री पाएका हुन।
यसैगरी शहीद लखन गाउँपालिका वडा नं. ३ स्थित गंगाधर्म आधारभूत विद्यालयका ७६ जना, त्रिवेणी प्राविका ३१ जना र करनटार प्राविका २१ जना र गण्डकी गाउँपालिका २ भलायडाँडा प्राविका ८४ जना र पशुपति प्राविका ४२ जनालाई पनि सो सामग्री हस्तान्तरण गरिएको फाउण्डेशनका कार्यक्रम संयोजक सुरेश प्याकुरेलले जानकारी दिनुभयो ।

एक जना विद्यार्थीलाई करिब दुई हजार पाँच सय रुपैयाँ बराबरको प्रदान गरिएकाे समेत प्याकुरेलले बताए ।

राष्ट्रिय अपांग पुनर्वास समाज नामक गैरसरकारी संस्थाको संयोजनमा सो फाउण्डेशनले सहयोग गरेको संस्था र विद्यालयका बीच सहजीकरण गरेका धिरन थापाले जानकारी दिनुभयो ।








































