गोरखा, बिहिबार, ३१ भाद्र २०७८ । गोरखा क्षेत्र न १ प्रदेश (क) बाट अर्जुन भट्टराईले उपसभापति पदका लागि आफुले उमेद्वार घोषणा गर्नु भएको छ ।
नमुना कांग्रेस स्थापनाको लागि स्पष्ट सोच भएको युवा र सक्षम नेतृत्व चुन्नका लागि सम्पुर्ण परिवर्तनशिल र गतिशील कांग्रेसजनहरु समक्ष आफु लाई प्रदेश उपसभापतिमा मत दिई विजय बनाउन उहाँले आग्रह गर्नु भएको छ ।
अहिले क्षेत्रीय प्रतिनिधि निर्वाचित भएर आएका प्रतिनिधिहरु पनि परिवर्तनशिल र अग्रगामी सोचका भएकाले आफुलाई
मत दिएर निर्वाचित गराउनेमा आफु ढुक्क रहेको अर्जुन भट्टराईले बताउनु भयो ।
उपसभापति भइसकेपछी कुनै गुट, उपगुट र स्वार्थ नहेरी सवल र सक्षम कांग्रेस निर्माण गर्ने नेतृत्व चुन्नका निमित्त लागिपर्ने भट्टराईलेले बताउनु भयो । हुने खाने र सिमित बर्गको मात्र पार्टी हुन लागेको यो अवस्थामा सिमित बर्गबाट सबै जनताको मनमा बस्ने कांग्रेस बनाउने अभियानमा लाग्न पनि सम्पुर्ण कांग्रेसजनलाई उहाँले आव्हान समेत गर्नु भयो ।
मेरो उम्मेद्बारी आग्रह या पुर्वाग्रहका लागि होइन, गुट उपगुट बिस्थापन एवं सबल र सुदृढ कांग्रेस निर्माणका लागि हो भन्दै युवा नेता भट्टराईले पार्टी एकताको सन्देश दिदै पार्टीलाई रुपान्तरण सहित गतिशिल बनाउने यो अभियानमा सामेल भइ भव्य रुपमा महाधिवेशन सफल पार्न आ-आफ्नो ठाउबाट सबैले सहयोग गर्न पनि समग्र जनता एवं कांग्रेसजन समक्षउहाँले अपिल गर्नुभयो ।








































