काठमाडौं, शुक्रबार, ७ जेठ २०७८ । नेपाली कांग्रेस काठमाडौं क्षेत्र नं. ५ ले काठमाडौंको बसुन्धारास्थित महेन्द्रनारायण नीधि मेमोरियल अस्पताललाई १० थान अक्सिजन कन्सन्ट्रेटर उपलव्ध गराएको छ । शुक्रबार कांग्रेस सहमहामन्त्री प्रकाश शरण महतको उपस्थितिमा अस्पताललाई उक्त सामग्री हस्तान्तरण गरिएको हो ।
उक्त अक्सिजन कन्सन्ट्रेटर बापत अस्पतालले कोरोना संक्रमितबाट कुनै शुल्क लिन नपाउने सम्झौतामा उल्लेख छ । त्यस्तै अस्पतालले अस्पतालको १० बेड काठमाडौं क्षेत्र नं. ५ का बासिन्दालाई उपलव्ध गराउने छ ।
कार्यक्रममा महतले कोरोना महामारीमा भएको सहयोगले संक्रमितलाई अक्सिजन अभाव नहुने विश्वास व्यक्त गरे । कोरोना महामारीपछि अस्पतालले उक्त अक्सिजन कन्सन्ट्रेटर काठमाडौं क्षेत्र नं. ५ लाई उपलव्ध गराउने छ ।








































