काडमाडौँ, ३१ बैशाख २०७८ । नेकपा माओवादी केन्द्रका प्रवक्ता नारायणकाजी श्रेष्ठले अब अरूको विरोधमा समय खेर फाल्न नहुने बताएका छन्।
‘नेकपा(एमाले )का कमरेडहरुलाई बधाई तथा शुभकामना ।’ उनले भनेका छन्, ‘हाम्रो पार्टी र अन्य कम्युनिष्ट क्रान्तिकारीहरु ,मुख्यत: हाम्रो पार्टी नेकपा (माओवादी केन्द्र ) ले अव प्रतिक्रियात्मक भएर अरुको बिरोधमा समय खेर फाल्नु हुदैन।
शुक्रबार सामाजिक सञ्जालमार्फत प्रवक्ता श्रेष्ठले नेकपा एमालेका नेताहरुलाई बधाई दिँदै माओवादी केन्द्रले अव प्रतिक्रियात्मक भएर अरुको बिरोधमा समय खेर फाल्न नहुने धारणा राखेका हुन् । वैचारिक छिपछिपेपन, विधि पद्धतिको अवज्ञा, गुटवन्दी, भ्रष्टिकरणबाट माथि उठ्नुपर्नेसमेत श्रेष्ठले सुझाव दिएका छन्।
देशभक्ति ,क्रान्तिनिष्ठता , सिध्दान्तनिष्ठता र जनसेवालाई आत्मसात गर्दै ब्यबस्थितरुपमा बैचारिक सांस्कृतिक रुपान्तरण र संगठनात्मक सुदृढीकरण को अभियान सञ्चालन गर्नुपर्छ । बैचारिक छिपछिपेपन , बिधिपध्दतिको अवज्ञा ,ब्यक्तिवाद ,संकिर्णता , अनेकता ,गुटवन्दी , भ्रष्टीकरणबाट माथि उठ्नुपर्छ र त्यसको बिरुध्द संघर्ष गर्न दृढ हुनुपर्छ। त्यसरी मात्र हामी क्रान्तिकारी पार्टी निर्माण र समाजवादको यात्रामा सफलताउन्मुख हुँदै अघि बढ्न सक्नेछौं।’








































