काठमाडौं, शनिबार, १८ बैशाख २०७८ । कोरोना संक्रमण तीव्र रुपमा बढेपछि काठमाडौं उपत्यकामा गत बिहीबारदेखि एकसाताका लागि निषेधाज्ञा जारी गरिएको हो ।
निषेधाज्ञाको समयमा हिडडुल गर्ने विभिन्न सवारीसाधनलाई प्रहरीले कारवाही गरेको छ । सरकारी गाडीसहित निषेधाज्ञा उल्लंघन गर्ने एक हजार २३८ वटा सवारी साधनलाई प्रहरीले कारवाही गरेको हो ।
निषेधाज्ञामा कडाइ गर्ने नीति अनुसार शनिबार सडकमा निस्किएका सरकारी गाडीलाई होल्ड समेत गरिएको छ ।
काठमाडौंका प्रमुख जिल्ला अधिकारी कालीप्रसाद पराजुलीका अनुसार निषेधाज्ञाको समयमा समेत सडकमा सवारी साधनको चाप बढेपछि चेकचाँजमा कडाइ गरिएको छ । उनले काठमाडौं उपत्यकाका तीनवटै जिल्ला काठमाडौं, ललितपुर र भक्तपुरमा चेकजाँचमा कडाइ गरिएको बताए । प्रजिअ पराजुलीले भने, ‘आइतबारबाट निषेधाज्ञामा अझै कडाइ गर्दै लगिनेछ ।’








































