बीबीसी । म्यानमारमा हालै लागू गरिएको सैन्य शासनको विरुद्धमा नेतृ आङसान सुकीलाई रिहा गर्न माग गर्दै दशौँ हजार नागरिक सडकमा उत्रिएका छन् । जसलाई २००७ पछिकै सबैभन्दा ठूलो आन्दोलन बताइएको छ । ‘हामीलाई सैन्य निरंकुश शासन चाहिँदैन, लोकतन्त्र देऊ’ भन्ने नारासहित एक दर्जनभन्दा धेरै सहरमा आइतबार ठुल्ठुला र्याली आयोजना गरिएको थियो ।
प्रदर्शन पछि दिनभरका लागि अवरुद्ध गरिएको इन्टरनेट सेवा अहिले भने पुनः सञ्चालनमा आएको बताइएको छ । सेना पक्षले बढ्दो विरोध सम्बन्धी अहिलेसम्म कुनै आधिकारिक प्रतिक्रिया जनाएको छैन ।







































