
काठमाडौँ, १९ माघ २०७७ । सिमपानी अनलाइन मिडियाद्वारा संचालित सिमपानी न्युजले चौथो वार्षिक उत्सब मनाएको छ |

आज माघ १९ गतेका दिन हामी नेपाली डिजिटल पत्रकारितामा नयाँ आयामका साथ सन्चालन गरेका थियौ । यो सानो यात्रा हो । यो यात्रालाई अझै सशक्त र मजबुत बनाउने हाम्रो प्रण छ ।

चौथो बर्षमा प्रवेश गरेको सुखद् अनुभुतिसहित पाठक र दर्शकलाई सुनाउन पाउँदा हामी मन प्रफुल्ल भएको सिमपानी न्युजका अध्यक्ष बिमल भट्टले बताउनु भयो । शुभकामना मन्तब्य राख्नु हुदै चौथो बार्षिक उत्सबको अवसरमा दु:ख बिर्साउन सहयोग गर्ने आम पाठकवर्ग, बिज्ञापनदाता, सम्पादक मण्डल, सहयोगी, नेपाल पत्रकार महासंघ, सम्बाददाता, प्रत्यक्ष तथा अ-प्रत्यक्ष रुपमा सहयोग गर्नुहुने र अगाडी बढ्न हौसाउने बौद्धिक बर्गलाई एक पटक कम्पनीको तर्फबाट सम्पूर्ण महानुभाबहरुप्रति हार्दिक धन्यवाद सहित कृतज्ञता ब्यक्त गर्नुभयो ।


बिश्वभरी छरिएर रहनु भएका नेपालीहरु बिच निकै लोकप्रिय रहेको सिमपानी न्युज अनेक आरोह र अवरोहका बिच आजदेखि चौथो बर्षमा पाइला टेक्न सफल भएको छ । देशको समाजिक, राजनीतिक, आर्थिक र अन्य क्षेत्रको स्थल स्वरूपलाई विवेचनात्मक दृष्टिबाट अथ्र्याइएमा मात्र जनताले देशको गति र शासनको नियत बुझ्ने विश्वास लिएर त्यसको भित्री एवं समग्र स्वरूप जनता समक्ष प्रस्तुत गर्ने जमर्कोमा यो अनलाइन खबर पत्रिका सिमपानी न्युज उपस्थित भएको बताउनु भयो ।


सोही अवसरमा नेपाली कांग्रेसका नेता जीत शेरचन, धावा गोरखा विकास समन्वय समितिका अध्यक्ष इन्द्र भट्ट, रामकृष्ण लामिछाने, सिमपानी न्युजका टिम लगायत अन्य अतिथि महानुभावले शुभकामना मन्तब्य राख्नु भएको थियो ।


सिमपानी न्युज काठमाडौं महानगरपालिका-१६ नयाँ बजारमा रहेको छ ।










































