काठमाडौँ, आइतबार, १६ कात्तिक २०७७ । शुक्रराज ट्रपिकल तथा सरुवारोग अस्पतालले पनि कोरोना संक्रमितको उपचार खर्च र धरौटी रकम तोकेको छ । अस्पतालले एक सूचना जारी गरी संक्रमित बिरामीको उपचारका लागि लाग्ने खर्चबारे जानकारी दिएको हो । भेन्टिलेटरबिना आइसीयूमा राखेको र क्याबिन आइसोलेसनमा राखको दैनिक ७ हजार ५ सय खुल्क लाग्ने जानकारी दिइएको सुचनामा छ । यसका लागि बिरामीले भर्ना हुनुअघि ३० हजार धरौटी राख्नुपर्ने अस्पतालले जनाएको छ।
अस्पतालले दिएको जानकारी अनुसार जटिल अवस्थाको बिरामीका लागि भेन्टिलेटरसतिको आईसीयूमा दैनिक १५ हजार शुल्क लाग्नेछ । भर्ना हुनका लागि ५० हजार धरौटी रकम तोकिएको छ ।
विपन्न, जेष्ठनागरिक, अति अपांग, अशक्त, एकल महिला लगायतलाई १० प्रतिशतदेखि शतप्रतिशतसम्म निकुल्क उपचार गरिने अस्पतालले जानकारी दिएको छ । बिरामीको अवस्था, आवश्यकता र औचित्यका आधारमा शुल्क मिनाह गरिने सूचनामा भनिएको छ ।
मध्यम जटिल अवस्थाका संक्रमित बिरामीलाई ग्यास्ट्रो आइसोलेसनमा राखेको दैनिक ३५ सयका दरले खुल्क लाग्ने टेकु अस्पतालको सूचनामा जानकारी दिइएको छ । यसमा भर्ना हुनका लागि २० हजार धरौटी तोकिएको छ।
सरकारले कोरोना संकमितले उपचार खर्च आफैले ब्यहोर्नुपर्ने घोषणा गरेपछि सरकारी अस्पतालहरुले धमाधम विवरण सार्वजनिक गर्न थालेका हुन् ।








































