महामारी अर्थात कोभिड-१९ ले यति बेला बिश्व नै आक्रान्त पारेको छ। त्यसमा नेपाल पनि अछुतो रहन सकेन ।कोभिड-१९ ले अहिले न धनी न गरिब ,न कालो न गोरो केही भन्दैन । नेपाल पनि कोरोना सिकार भएको करिब ८,९ महिना भएको छ ।
यसबिचमा नेपालमा पनि लगभग १ लाख नजिक पुगेको छ । कोरोना फैलिएको पनि एक बर्ष पुग्न लाग्यो । न अहिले कोरोना निर्मुल भएको छ न यसको औषधि पत्ता लागेको छ ।काठमाडौं उपत्यकामा अहिले कोरोनाले एपिसेन्टर पारेको छ, दिनप्रतिदिन कोरोना बढ्दै गएको छ।
नेपाली हरुको महान चाड बडा दशैं, तिहार लगाएत अन्य ठुला चाडबाड नजिकिदै छ । यसले गर्दा नेपालमा जोखिम बढ्दो क्रममा छ । अहिले ठुला शहरमा संक्रमण फैलिए पनि अब गाउँ-गाउँमा पनि फैलिने सक्नेछ ।
गाउँबाट शहरमा मानिसहरू उच्च शिक्षा, रोजगारि ,ब्यापार-ब्यवसाय, सुख सयलका निम्ति पनि भित्रिने क्रम जारी नै छ ।अब चाडबाड नजिकै गर्दा मानिसहरु पनि गाउँ जाने गर्छन ।
आफ्नो रितिरिवाज चालचलन मान्यजनबाट आशीर्वाद लिन आफ्नो जन्मथलो फर्कने गर्छन । मानिसहरु अब को केही दिनमा विभिन्न शहरबाट गाउँ जान थाल्छन । कुनै संक्रमित ब्यक्ति गाउँ प्रबेश गर्दा पुरै गाउँ नै संक्रमित हुन सक्ने सजिलै सबैले आकलन गर्न सक्छन ।
अहिले शहरमा मात्र केन्द्रित रहेको कोरोना भाइरसले पुरै देश नै सन्क्रमित हुन सक्छ । गाउँमा बालबालिका दीर्घ रोगी धेरै रहेका छन । उहाँहरु अब झन बढी संक्रमित हुने सम्भावना रहन सक्छ ?
कतिपय जिल्ला वा स्थानीय तहले भने केही सजगता अपनाएका छन । स्थानीय तहहरुले आफ्ना गाउँ आउने बासिन्दाहरुलाई केही मापदण्ड राखेका छन । कोहि ले क्वारेन्टाइन, होम आइसोलेसन त कोहिले ७२ घण्टे नेगेटिभ रिपोर्ट लिएर आउँदा प्रबेश दिने निर्णय गरेका छन । अब हामी एक एक नागरिक ले आफ्नो तरब बाट आफू र आफ्नो देश जोगाउनु जरुरी छ।
सागर भट्ट
काठमाडौं
२०७७ साल असोज २२ गते बिहिबार ।









































