सिएनएन, सोमबार, १९ असोज २०७७ । फ्रान्सको नाइस शहरको पहाडी इलाकामा भारी बर्षाको कारण ९ जना बेपत्ता भएका छन् ।
रिपोर्टका अनुसार, आल्प्स–मेरिटाइम्स क्षेत्रमा १२ घण्टामा एक बर्षको बराबर बर्षा भएको थियो । अधिकारीले जानकारी दिएअनुसार, बाढिले ठुलो संख्यामा घर, पुल, सडकलाई नोक्सान पुर्याएको छ ।
नाइसका मेयर क्रिश्चियन एस्टोर्सीले भने, १०० भन्दा बढि घर बाढिले बगाइसकेको छ । बचाउ टोलीले दर्जनौ मानिसहरुलाई रातीको समयमा सुरक्षित स्थानमा पुर्याएको छ । यता, फ्रान्सको मौसम विभागले बताए अनुसार, केही इलाकामा १९.७ इन्च बारिश रेकर्ड गरिएको छ , जुन बर्षभरीको बर्षा बराबर हो ।








































