काठमाडौँ, शुक्रबार, १९ असार २०७७ । कोरोना भाइरस (कोभिड–९०) सङ्क्रमितको सङ्ख्या १५ हजार २५९ पुगेको छ । स्वास्थ्य तथा जनसङ्ख्या मन्त्रालयका प्रवक्ता प्रा.डा. जागेश्वर गौतमले पछिल्लो २४ घण्टामा देशभर थप ७४० जनामा कोरोना सङ्क्रमित थपिएको जानकारी दिनुभयो ।
पछिल्लो २४ घण्टामा चारहजार ४८३ वटा नमूना परीक्षण गरिएको छ । क्वारेन्टाइनमा ३५ हजार ४७२ रहेका छन् । आइसोलेसनमा नाैहजार ८४ रहेका छन् ।
देशभर छ हजार १४३ डिस्चार्ज भएका छन् । देशभरबाट ८२३ जना निकाे भएर घर फर्केका छन् ।
नेपालमा रहेका ७७ वटा जिल्लाहरुमध्ये आठवटा जिल्लामा पाँचसयभन्दा बढी कोरोना भाइरसबाट सङ्क्रमित भएका छन् । सो मध्ये प्रदेश २ मा महोत्तरी, रौतहट र सर्लाहीसहित तीन जिल्ला, प्रदेश ५ मा कपिलबस्तु, पाल्पा र दाङसहित तीन जिल्ला रहेका छन् ।
यस्तै, कर्णाली प्रदेशमा दैलेख र सुदूरपश्चिम प्रदेशमा कैलाली जिल्लामा पनि भाइरसका कारण पाँचसयभन्दा बढी सङ्क्रमित रहेका छन् ।
स्वास्थ्य मन्त्रालयका अनुसार कोरोना भाइरसबाट अत्याधिक मात्रामा जोखिममा रहेकालाई ध्यान दिने बताइएको छ । त्यसमा क्यान्सर र मधुमेहका विरामी, आइसीयु र इमरजेन्सीमा आउने विरामी, पकेट क्षेत्रका बासिन्दा र स्वास्थ्यकर्मीहरुको परीक्षण गरिने कुरा उहाँले बताउनुभयो ।
यस्तै, क्वारेन्टाइनमा रहेका सङ्क्रमितहरुको रोग प्रतिरोधात्मक शक्ति बढाउनको लागि आयुर्वेदिक औषधीहरु वितरण गरिनेछ ।
कोरोना भाइरसका कारणले काठमाडौंमा थप एकजनाको निधन भएको छ । नयाँ वानेश्वरमा बस्ने ८५ वर्षीय एक पुरुषको भाइरसका कारणले निधन भएको पत्रकार सम्मेलनमा प्रा डा गौतमले जानकारी दिनुभयो ।
पार्किङ्सन रोगबाट पीडित पुरुष्का छाती दुखेपछि राजधानीको एक निजी अस्पतातमा उपचारको क्रममा मृत्यु भएको हो ।
हिजो बिहीबारमात्र राजधानीकै एक अस्पतालमा एक ४९ दिनका नवजात शिशुको कोरोनाको कारणले मृत्यु भएको थियो । आज मृत्यु घोषित पुरुषसहित नेपालमा कोरोना लागेर मृत्यु हुनेको सङ्ख्या ३२ पुगेको छ ।








































