रुपन्देही २१ बैशाख २०७७ । नेपाल तरुण दल रुपन्देहीका नेता लक्ष्मण गौतमले बामदेव गौतमलाई रुपन्देही-२ बाट चुनाव लडाएर जिताउन चुनौती दिएका छन । उनी भन्छन – जनताले चुनाव हराएको ब्यक्त्तीलाई संबिधान संसोधन नै गरेर राष्ट्रिय सभा मार्फत प्रधानमन्त्री बनाउनु वा ठाउँ खाली गरेर प्रतीनिधी सभाको चुनाव लडाउनु जनता प्रतिको बेईमानी हो ।
फेशबुक स्टाटसमा उनी लेख्छन – “बामदेव गौतम लाई रुपन्देही-२ मा ल्याउनुहोस , म लक्ष्मण गौतम भिड्छु र हराउछु” ।

लक्ष्मण गौतम लामो समय ( २१ बर्ष ) बेलायत बसेर हालै नेपाल फर्किएका हुन । उनको लामो पारिवारीक राजनितीक पृष्ठभूमी छ । उनका स्व बुवा डण्डापाणी गौतम नेपाली कांग्रेस रुपन्देही जिल्ला सह-सचिव हुनु हुन्थ्यो । उनी अश्कलमा आई।एस।सी ( अमृत साईन्स क्याम्पस ) पढ्दा ने।बि संघको राजनिती गरेका थिए र २०५५ सालमा बेलायत गएका थिए ।
बेलायतमा उनी रेन्टुरेन्ट ब्यवसायमा संलग्न थिए भने जन संपर्क समिती बेलायतमा रहेर नेपाली कांग्रेसको राजनिती गरेका थिए । उनी हालै बेलायतको बसाई छाडेर स-परिवार नेपाल फर्केका हुन र देश सुधार्न राजनिती सुधार्नु पर्छ भन्ने सोचका साथ नेपाली कांग्रेसको राजनितीमा होमिएका हुन । गौतम हाल नेपाल तरुण दल रुपन्देही जिल्ला सदस्य छन ।









































