काठमाडौँ, २४ चैत २०७६ । नोबेल कोरोना भाइरस (कोभिड १९) का कारण बिगत दुई हप्तादेखि जारी लकडाउन आज बसेको मन्त्रिपरिषद् बैठकबाट पुन:थप गरिएको छ ।
आजको बैठकबाट सरकारले वैशाख ३ गतेसम्म थप गर्ने निर्णय गरेको हो ।
नोबेल कोरोना भाइरस (कोभिड १९) संक्रमण बढ्न नदिन सरकारले चैत ११ गतेदेखि देशलाई लकडाउन गर्ने घोषणा गरेको थियो ।
गत चैत १७ मा थप एक हप्ता (चैत २५ सम्म) लकडाउन थप्ने निर्णय सरकारले गरेको थियो । मंगलबार त्यो अवधि सकिने भएपछि सरकारले आज नै मन्त्रिपरिषद् बैठकबाट थप गर्ने निर्णय गरेको हो ।
छिमेकी भारतले पनि तीन साता लामो लकडाउन गरेको छ ।








































