काठमाडौँ, १४ चैत २०७६ । प्रधानमन्त्री केपी शर्मा ओलीले बिहीबार राति मुटुमा असहजता महसूस गरेपछि त्रिवि शिक्षण अस्पतालस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना गरिएको बालुवाटार उच्चस्रोतले जनाएको छ ।
प्रधानमन्त्रीकी निजी चिकित्सक प्रा डा शाहका अनुसार प्रधानमन्त्री ओलीको मुटुको चाल बढेर असहजता महसूस गरेपछि उनलाई राति नै अस्पताल लगिएको थियो। निजी चिकित्सक डा शाहको अनुसार हाल प्रधानमन्त्रीलाई अब्जर्भेसनमा राखिएको छ र उनको स्वास्थ्य अवस्था सामान्य रहेको जानकारी दिएकी छिन् ।
प्रधानमन्त्री ओलीको त्रिवि शिक्षण अस्पतालमा नै फागुन २१ गते दोस्रो पटक मिर्गौला प्रत्यारोपण गरी आराम गरिरहनुभएको थियो ।
उनी प्रत्यारोपण पछि फागुन ३० मा अस्पतालबाट डिस्चार्ज भएका थिए ।








































