काठमाण्डौँ, १० चैत २०७६ । कोरोना भाइरसको संक्रमण रोकथाम लागि बनेको उच्चस्तरीय समितिले मंगलबारदेखी अत्यावश्यकबाहेकका सबै सरकारी कार्यालय बन्द गरेर कर्मचारी घरमै बस्ने तथा आम सर्वसाधरणलाई घरबाहिर निस्कन नदिने निर्णय गर्न लागेको छ ।
अहिले यिनै विषयमा निर्णयमा पुग्न उच्चस्तरीय समितिको बैठक बसिरहेको छ ।
कोरोना भाइरसको रोकथामका लागि बनेका विभिन्न समितिमा रहेका र उच्च पदस्थ कर्मचारीका लागी भने यो निर्णय लागु हुने छैन । सबै कार्यालय बन्द नगर्दासम्म सडकमा र सार्वजनिक स्थलमा सर्वसाधारणको आवागमन नरोकिएको कारण कर्मचारीलाई विदा दिन लागिएको हो ।
यसका साथै सर्वसाधारणलाई घरभित्रै रहनु पर्ने गरी विशेष निर्णय हुँदैछ । प्रहरीले घर बाहिर ननिस्कन र अत्यावश्यक कामबाहेक घरमै बस्न टोलटोलमा माइकिङ समेत गर्दैछ ।यसैबीच सरकारले स्वास्थ्यकर्मीको व्यक्तिगत सुरक्षाका साधनसहित आवश्यक मेडिकल सामाग्रीहरु हवाइजहाज चार्टर गरेर ढिलोमा शनिबारसम्म खरिद गरेर ल्याउने भएको छ ।








































