काठमाडौँ, २६ पौष २०७६ । प्रधानमन्त्री केपी शर्मा ओलीले पुननिर्माणको काम सन्तोशजनक रहेको बताउनुभएको छ ।
राष्ट्रिय पुन:निर्माण परामर्श परिषद्को पाचौं बैठकमा पुननिर्माणको वर्तमान अवस्था एवं कर्ययोजनाको समिक्षा गर्दै प्रधानमन्त्री के पी शर्मा ओलीले अहिले सम्मको पुन:निर्माणको प्रगति सन्तोशजनक रहेको बताउनुभएको हो । उहाँले पुन:निर्माणको काममा भएको अहिले सम्मको प्रगतिका आधारमा तीन वटा निर्णय गरेर अगाडी बढ्नुपर्ने अवस्था रहेको बताउनुभयो । कामको प्रगतिलाई लिपिबद्ध गरेर जानुपर्ने, बाँकी कामहरुलाई छिटो सम्पन्न गर्न देखिएका समस्या समाधान गर्नुपर्ने र प्राथमिकताका आधारमा पुन:निर्माणमा जोड दिनुपर्ने विषयमा निर्णय गरी अगाडि बढ्नुपर्ने उहाँले बताउनुभयो ।
बैठकमा प्रधानमन्त्री ओलीले अहिले सम्मको प्रगति र अनुभवलाई लिपिवद्ध गरेर राख्न राष्ट्रिय पुन:निर्माण प्राधिकरणलाई निर्देशन समेत दिनुभयो ।
बैठकमा राष्ट्रिय पुननिर्माण प्राधिकरणका प्रमुख कार्यकारी अधिकृत सुशिल ज्ञवालीले निजी आवास पुन:निर्माण, शिक्षण संस्थाहरु, स्वास्थ्य संस्था, सरकारी भवन, सुरक्षा निकायका भवन, पुरातन्विक एवं सांस्कृतिक सम्पादा, सडक तथा खानेपानी, सामाजिक आर्थिक पुनस्र्थापना, पुन:निर्माणको दीगोपना र हस्तान्तरण तथा बजेट व्यवस्थापन र खर्चको विवरणका विषयमा भएका प्रगतिको जानकारी गराउनु भएको थियो ।








































