धादिङ, १२ मंसिर २०७६ । नेपाली काग्रेसका केन्द्रीय सदस्य एंव प्रतिनिधिसभा सदस्य बहादुरसिंह लामा तामाङले विदुर नगरपालिका वडा न. ११ गेर्खुमा रहेको कालिका माध्यामिक विद्यालयका विद्यार्थीलाई न्यानो कपडा वितरण गर्नुभएको छ ।
सांसद् तामाङले विद्यालयमा अध्ययनरत १३० जना विद्यार्थीलाई आफ्नो खर्चमा ट्रयाकसुट उपलब्ध गराउनुभएको हो ।
विद्यालयमा आयोजित कार्यक्रम मार्फत एकसय जना विद्यार्थीलाई उहाँले नै प्रदान गर्नुभएको हो भने अनुपस्थित विद्यार्थीको लागी विद्यालय मार्फत उपलब्ध गराउन व्यवस्थापन समितिका अध्यक्ष रबिनकुमार श्रेष्ठ र प्रधानध्यापक पुरुषोत्तम प्याकुरेललाई प्रदान गर्नुभएको छ ।
उहाँले विद्यार्थीको लागी उपलब्ध गराएको न्यानो कपडा बापतको खर्च आफूले प्रतिनिधिसभा सदस्यको रुपमा राज्यबाट पाएको सुविधाबाट कटाएर प्रदान गरेको जनाउनुभएको छ ।
यसअघि उहाँले बेलकोटगढी नगरपालिकाको विभिन्न तीनवटा विद्यालयका विद्यार्थीलाई पनि न्यानो कपडा र शैक्षिक सामाग्रि आफ्नै खर्चमा उपलब्ध गराउनुभएको थियो ।








































