गोरखा, २०७६ साल असोज १४ गते मंगलबार । नेपाली सेना रणसिंहदल गण गोरखा, पालुङटार नगरपालिका र लिगलिगकोट बिकास अभियानको सयुक्त आयोजनामा प्रतियोगिता हुन लागेको हो ।
गोरखाको ऐतिहासिक लिगलिगकोटमा राजा छनोट गर्न यहि असोज १६ हुने लागेको लिगलिगे दौड प्रतियोगिताको तयारी तिव्र पारिएको छ ।
प्रतियोगिता सम्पन्न गर्न खेलाडीहरु दर्ता प्रक्रिया, प्रचार प्रसारका काम तिव्र पारिएको आयोजक लिगलिगकोट बिकास अभियानका अध्यक्ष पूर्ण थापाले जानकारी दिनुभयो ।
प्रतियोगिताका लागि दौडहुने रुढ चेपघाट देखि लिगिकोट दरबारसम्मको १३ दशमलव ८ किलोमिटर दुरीका सफा गर्ने लगायतका काम समेत भइरहेको उहाँको भनाई छ ।
बिश्वमै सवैभन्दा पहिलो लोकतान्त्रिक प्रक्रियाका रुपमा राजा छनोट गर्ने परम्परा लिगलिगकोटमा भएकाले पनि त्यसको संरक्षण र सम्र्बद्धन गर्दै परम्परालाई जगर्नेा हरेक बर्ष प्रतियोगिता हुदै आएको छ ।
लिगलिगकोटमा बि।स १६०४ देखि दौडिएर राजा हुने परम्परा शुरु भएको थियो । परम्परा अनुसार दलसुर घले बि।स १६०४ देखि १६१५ सम्म लगातार दौड जितेर लिगलिगकोटको राजा भएका थिए ।
पछि आएर द्रव्यशाह बि।स १६१६ मा दौड जितेर राजा भएपछि त्यहाँ उक्त परम्पराको अन्त्य भएको थियो । यस पटक प्रतियोगितमा सहभागी हुने खेलाडीहरुका लागि प्रति व्यक्ति रु १० लाखको बिमा समेत गरिएको आयोजकले जनाएको छ ।
प्रतियोगितामा सहभागी हुन चाहाने खेलाडीहरुका लागि आजदेखि दरखास्त लिने काम शुरु भएको आयोजकले जनाएको छ ।









































