गोरखा, २०७६ साल असोज ९ गते बिहिबार । नेपालीहरुको महान पर्व बिजया दशमी २०७६ को सु-अवसरमा दि मनासलु युवा क्लव भच्चेकद्वारा खुल्ला फुटबल प्रतियोगिता हुने भएको छ ।
अजिरकोट गाउँपालिकाको भच्चेक स्थित दि मनास्लु यूवा क्लबले यहि असोज १० देखि १७ गतेसम्म प्रथम भच्चेक कप फुटबल प्रतियोगिता गर्ने भएको छ ।
क्लबले सार्वजनिक सूचना जारी गरी खुल्ला फुटबल प्रतियोगितामा सहभागि हुन खेलाडीहरुलाई आग्रह समेत गरेको छ ।
अजिरकोट ३, भच्चेक स्थित टुडीखेल मैदानमा हुने प्रतियोगितामा प्रथम हुनेलाई १ लाख ११ हजार १ सय ११ रुपैयाँको साथमा ट्रफि, मेडल र प्रमाणपत्रले सम्मान गरिनेछ । त्यसैगरी, दोस्रो हुनेले ५५ हजार ५ सय ५५ रुपैयाँको साथमा मेडल र प्रमाण पत्रले सम्मान गरिनेछ ।
त्यसैगरी, सेमिफाइनल पुग्ने अथवा सान्त्वना स्थान हाँसिल गर्ने दुबै टोलीलाई २२ हजार २ सय २२ रुपैयाँले सम्मान गरिनेछ । त्यसैगरी, उत्कृष्ठ खेलाडी, उत्कृष्ठ गोल रक्षक, उत्कृष्ठ डिफेन्डर, अनुशासित प्रतियोगी समुह र सर्वाधिक गोलकर्तालाई पनि विशेष पुरस्कारको ब्यवस्था गरिएको आयोजकले जनाएको छ ।
प्रतियोगितामा सहभागी हुन चाहने टिमहरुले प्रतियोगिता हुने दिन असोज १० गते विहान १० बजे भित्र आफ्नो टिम दर्ता गरिसकेको हुनुपर्नेछ ।
प्रतियोगितामा सहभागी टिमले दर्ता स्वरुप १० हजार रुपैयाँ बुझाउनुपर्नेछ । उक्त प्रतियोगिताको उद्घाटन सत्रमा आयोजक क्लब दि मनास्लुले विभिन्न सांस्कृतिक कार्यक्रम तय गरिएको छ ।









































