गोरखा, २०७६ साल असोज ८ गते बुधबार । शहिद लखन गाउँपालिका ४ मा अबस्थित लाङघाली श्रीजनशिल युवा क्लब को आयोजनामा “लाङघाली श्रीजनशिल कप २०७६” को आयोजना गरिएको छ । उक्त प्रतियोगिता ३३ हजार ३ सय ३३ रुपैयाँ राशिको भलिबल प्रतियोगिता हुने आयोजकले जनाएको छ ।
हिन्दु नेपालीहरुको महान् चाड विजया दशमीको पावन अबसर पारेर रिञ्जेली बडहरे गोरखा नेपालको राष्ट्रिय खेल भलिबलको प्रतियोगिता आयोजना गर्न लागिएको हो । खेल कौशलता र प्रतिभाको जगेर्नाको लागि प्रतियोगात्मक कार्यक्रमको आयोजना गर्न लागिएको क्लबले जनाएको छ ।
यहि असोज २२ गते देखि २६ गते सम्म हुने प्रतियोगितामा प्रथम हुने प्रतियोगीले नगद ३३ हजार ३ सय ३३ रुपैयाँ कप मेडल र प्रमाणपत्र द्रितिय हुने प्रतियोगीले २२ हजार २ सय २२ रुपैया कप मेडल र प्रमाणपत्र तृतीय हुने प्रतियोगीले ११ हजार १ सय ११ रुपैया र कप मेडल र प्रमाण पत्र प्राप्त गर्ने छन । साथै प्रतियोगितामा उत्कृष्ट प्रदर्शन गर्ने खेलाडीलाई नगद १ हजार १ सय ११ रुपैयाँ कप मेडल र प्रमाणपत्र प्रदान गरिने क्लबले जनाएको छ ।
भलिबल खेल संचालन भएकै बेला विविध मनोरञ्जनात्मक सांस्कृतिक कार्यक्रम र डोरी तान्ने कार्यक्रमको पनि आयोजना गरिएको छ ।
भलिबलको लागि दर्ता शुल्क ४ हजार ४ सय ४४ रुपैयाँ र डोरी तान्ने खेलको लागि १ हजार १ सय ११ रुपैयाँ लाग्ने छ भने डोरी तान्ने खेलमा प्रथम हुनेले नगद ५ हजार ५ सय ५५ रुपैयाँ प्राप्त गर्ने छ । सहभागी टिमलाई खाना र बस्ने ब्यबस्था आयोजकले नै गर्ने बताइएको छ ।









































