एजेन्सी, २६ साउन २०७६ । ताइवान पछि अब शक्तिशाली आँधीबेरी लेकिमा चीन पुगेको छ । शनिवार विहान सबेरै आएको आँधीबेरीले चीनको झेजियांग प्रान्तमा आतंक मच्चाएको हो ।
१८७ किमी प्रतिघण्टाको तेज रफतारसँग भारी बर्षा पनि शुरु भयो, जसले आम जन–जिवन नराम्रोसँग प्रभावीत भयो । अहिलेसम्म आँधीबेरीमा परि १८ जनाले ज्यान गुमाएका छन भने १६ जना बेपक्ता भएका छन्, जसको खोजी कार्य जारी रहेको छ । झेजियांग प्रान्तमा २०० घर भत्केका छन र ६६,३०० हेक्टर भुमिमा लगाइएको अन्नपातमा नोक्सान भएको छ । हजारौ घरमा विजुली कटेको छ ।
राष्ट्रिय मौसम विज्ञान केन्द्रले बताए अनुसार, झेजियांग र जियांगसु को अलावा यो सुपर आँधीबेरी शानडांग प्रायद्धिपको दक्षिणी तटीय इलाकामा आइतवारसम्म पुग्नेछ । जहाँ भारी क्षती पुग्ने अनुमान गरीएको छ । साथै मुसलधारे बर्षाको पनि चेतावनी जारी गरीएको छ । एनएमसीले शुक्रवार आँधीवेरीलाई लिएर रेड अलर्ट जारी गरेको थियो । पछि यसलाई घटाएर अरेन्ज बनाइयो ।
एनएमसी का अनुसार, आँधीबेरी १५ किलोमिटर प्रतिघण्टाको रफतारले उत्तरतिर बढेसँगै कमजोर हुनेछ । शुक्रवार आँधीबेरी ताइवानको उत्तरी छोर भएर गएको थियो, जहाँ ९ जना घाइते भएका थिए । तेज हावाले हजारौ घरको विजुली प्रभावीत भएको थियो र ५०० भन्दा धेरै उडान रद्ध गर्नु परेको थियो ।
सरकारी समाचार एजेन्सि शिन्हुआको रिपोर्ट अनुसार, आँधीवेरी पुग्नुभन्दा पहिला दश लाख भन्दा धेरैलाई सुरक्षित स्थानमा पुर्र्र्याइएको थियो । यसमा शंघाईको २ लाख ५३ हजार जना समावेश छन् ।
पुर्वी चीनको हजारौ उडान रद्ध गर्नु परेको थियो । एक्लै झेजियांग प्रान्तमा २८८ उडान रद्ध भएको छ । डुङगा र रेल सेवालाई पनि हाललाई रोकिएको छ । शानडोंग प्रान्तको जिनान शहरमा २०० भन्दा धेरै ट्रेनलाई सोमवारसम्म स्थगित गरिदिइएको छ । स्थानीय प्रशासनले राहात बचाव कार्यको लागी १००० मानिस, १५० फायर फाइटिङ र १५३ डुङगालाई तैनाथ गरिएको छ । एयरपोर्टलाई जोड्ने मैग्लेव हाईस्पीड रेल सेवालाई पनि हाललाई स्थगित गरीदिइएको छ ।








































